600 milioi euro baino gehiagoko dirulaguntzak iragarri dituzte EAEko enpresa ertain eta txikientzat
Trantsizio digitalean, energetikoan eta ingurumenekoan aurrera egiteko proiektu eraldatzaileak, deskarbonizaziorako neurrietan arreta berezia jarrita. Hori izango da Eusko Jaurlaritzak lehenetsiko duen irizpideetako bat, EAEko enpresa txiki eta ertainen artean 2023 honetan laguntzatan emango dituen 600 milioi euroak banatzerakoan. Hori horrela, kopuru osoaren % 70 —413.611.315 euro— ikerketa, garapena eta berrikuntza trantsizio energetikoarekin uztartuko dituzten programetara bideratuko dira.
Orotara, 12 arlotan banatuta dauden 83 programa biltzen ditu gaur aurkeztutako laguntza planak. Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak eta Aitor Urzelai SPRI taldeko zuzendariak azaldu dituzte xehetasunak, goizean egindako agerraldi batean. "Benetako tresna da edozein sektoretako euskal enpresei azken urteotan jasaten ari diren ziurgabetasunari aurre egiten laguntzeko, baina, batez ere, enplegua eta aberastasuna sortzen jarraitzeko, beharrezko trantsizio digitalak, energetikoak eta ingurumenekoak dinamizatzeko eta euskal ekonomia eredu inklusibo eta jasangarrian oinarrituta suspertzeko", nabarmendu dute biek.
Aurreko urteotan bezala, EEE, Ihobe, URA, Hazi Fundazioa, Elika, SPRI, Basque Trade & Investment eta Arrisku Kapitaleko Sozietatea arduratuko dira, Tapiak zuzentzen duen sailak koordinatuta, laguntzak eskatuko dituzten enpresen proiektuak aztertzeaz.
Planak biltzen dituen programen berri zehatzagoa emateko, Jaurlaritzak saio informatiboak antolatu ditu —otsailaren 24, 27 eta 28an— enpresa txiki eta ertainentzat. Saio horietan, laguntza-lerro bakoitzaren xehetasunak ezagutu ahal izango dituzte, beren beharretara ondoen egokitzen dena zein izan daitekeen jakiteko.
Halaber, katalogo digitala eta paperezkoa, biak izango dituzte eskura enpresariek, informazio guztiarekin: laguntzaren edo zerbitzuaren izena, aurtengo aurrekontua, deskribapena eta helburua edota laguntzaren eskaera egiteko araudia azaltzen dira, besteak beste.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.