Pentsio sistema propio baten beharra aldarrikatu du Garbiñe Aranburuk
LAB sindikatuko koordinatzaile nagusi Garbiñe Aranburu elkarrizketatu dute gaur, asteartearekin, Euskadi Irratiko "Faktoria" saioan. Ekonomiaren gorabeherak hizpide, Hego Euskal Herriak pentsio sistema propioa behar duela azpimarratu du Aranburuk gaurko honetan ere. "Soldatak hobetzea, kotizazio mugak altxatzea eta pentsioak bermatzea dira egin nahi ez dituzten baina egin beharko lituzketen erreformak. Zaila da Espainiako Estatuan pentsioen erreforma zertan geratuko den jakitea, baina guretzat marra gorria gainditzea litzateke murrizketa berri oro, orain arteko aldaketa guztiek sistema publikoa ahuldu baitute", azaldu du.
Zentzu horretan, aurreratu du euskal alderdiei eta Podemosi bidali dizkietela azken urteetako murrizketen bidea albora dezaten, pentsio erreforman murrizketa berririk onar ez dezaten eta pentsio sistema propio baten aldeko eztabaidari bidea eman diezaioten.
"Kontzertu ekonomikoak horretarako aukera ematen du, alegia, sistema propio bat eratzeko. Kontua da hemen Confebaskek agintzen duela. Nahitaezkoa da parte hartze soziala bermatzea eta sindikatuei hitza ematea, baditugu-eta hainbat proposamen", erantsi du.
BEZari Espainiako Gobernuak ezarritako muga hizpide, pauso ausartagoak eskatu ditu. "Neurriak ez dira norabide egokian hartu. Momentu jakin batean aringarri izan daitezke, baina horrekin ez da nahikoa. Kapital errenten eta enpresa handien irabaziak gehiago zergapetu behar dira. Bada garaia aberastasunaren birbanaketaren eztabaidari heltzeko, ezberdintasun sozialak areagotu ez daitezen, eta aberastasuna oker banatu ez dadin", esan du.
Langile publikoen soldata igoerari buruz galdetuta, Aranburuk gogora ekarri du arau orokor bat dagoela Estatuari aukera ematen diona horien soldaten gaineko erabakiak hartzeko, baina hori "aitzakia" baino ez dela adierazi du. "Eusko Jaurlaritzak eta Nafarroako Gobernuak jakin badakite, borondatea izanez gero, langile publikoen soldatak arautzeko ahalmena dutela. Horregatik, behargin publikoen soldatak igotzea defendatzen dugu. Halere, horrek ezin ditu enpresa pribatuen soldata igoerak baldintzatu", gaineratu du.
Zure interesekoa izan daiteke
Angularen arrantza kanpainak bertan behera jarraitzea berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziearen egoera kritikoa egiaztatu ondoren.
Diesel litroa 2 eurotik gorakoa da jada Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.