Banku handiak burtsan hondoratu dira SVBren porrotak sektoreari ekar diezazkiokeen ondorioengatik
Europako banku handiek beherakada handiak jasan dituzte burtsan gaur, Silicon Valley Bank eta Signature Bank estatubatuarren porrotak sektoreari ekar diezazkiokeen ondorioengatik.
Espainiako burtsan, saioaren amaieran beherakada handienak izan dituzte IBEX indizean kotizatzen duten sei bankuk, Sabadell buru zutela (% 11,81); ondoren, Bankinter (% 8,54), BBVA (% 8,24), Unicaja Banco (% 7,78), Santander (% 7,35) eta CaixaBank (% 6,24). Horrela, Espainiako Burtsak % 3,51 egin du behera, 2022ko ekainetik izan duen beherakadarik handiena, bankuek bultzatuta.
Era berean, Frankfurteko DAX 40 indizeak % 3,04ko jaitsierarekin itxi du saioa. Commerzbankek % 12,7 galdu du, 9,96 euroraino, eta Deutsche Bankek % 4,9 egin du behera, 10,14 euroraino.
Finantzen sektoreko kotizatuak ere galeren buru izan dira Londresko Burtsan, saioan % 2,58 jaitsiz.
Londresko burtsan, eguneko protagonista nagusia Europako banku handiena izan da, HSBC; izan ere, % 4,13 utzi arren, ez da izan galeren eragin handiena jasan duen erakundea.
HSBCren bi banku lehiakidek, Standard Charteredek eta Barclaysek, izan dute eguneko beherakadarik handiena, % 6,89 eta % 6,31 galdu baitute, hurrenez hurren.
Credit Suissek % 9,58ko galera izan du Zuricheko burtsan, egunean zehar minimo historikoa behin baino gehiagotan markatu ostean.
Silicon Valley Banken porrotak eragina izan du AEBn zein handik kanpo dauden banketxeetan
Finantza arazo larriak tarteko, bi egunez behea jo zuten Silicon Valley Bank (VB) bankuaren akzioek iragan astean, eta horrek eragina izan du sektorean, dela AEBn bertan, dela handik kanpo. Hala, krisi berri baten mehatxuak inbertitzaileak beldurtu ditu azken egunotan.
Hain zuzen ere, teknologia eta zientzia enpresa berriei zuzendutako SVB bankuaren akzioek % 60 egin zuten behera joan zen ostegunean, eta % 68 ostiralean, kotizazioa eten aurretik.
Gauzak horrela, Kaliforniako finantza berrikuntzarako departamentuak, non SVBk egoitza duen, konpainiaren kontrola bere gain hartzea erabaki zuen, banku horrek likidezia eza eta kaudimengabezia zituela arrazoituta. Horrekin asmo zuten Gobernuak babestutako gordailuak zaintzea.
2008ko krisiaz geroztik, AEBn inoiz izan den porrot ekonomiko handienetakoa da SVBrena.
AEBk plan bat jarri du martxan SVBren gordailuak babesteko
Silicon Valley Banken gordailuak babesteko asmoz-edo, Estatu Batuek plan bat jarri zuten abian atzo. Izan ere, Signature Bank erakundeak ere bere itxiera iragarri du bart, parametro berberak argudiatuta.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.