Interes tasak puntu erdi igo ditu EBZk, inflazioaren aurkako borroka lehenetsita
Europako Banku Zentralak gaurko bileran erabaki erabaki du interes tasak % 0,5 igotzea, % 3,5eraino, Credit Suisse banketxearen krisiaren eta Europa osoko finantza merkatuetan sortutako beldurraren testuinguruan. Euroguneko bankuen sektoreak, erresistentziarako gaitasuna eta kapital eta likidezia sendoak dituela argudiatu du.
Ildo horretan, EBZko Gobernu Kontseiluak adierazi du merkatuen egungo tentsioen jarraipena egiten ari dela, eta prest dagoela behar bezala erantzuteko, euroguneko prezioen eta finantza-egonkortasunari eusteko.
"Euroguneko bankuen sektoreak erresistentzia eta kapital zein likidezia sendoak ditu", defendatu duenez, eta, nolanahi ere, EBZk euro eremuko finantza-sistemari likidezia emateko eta, beharrezkoa izanez gero, moneta-politikaren transmisio arina zaintzeko behar diren diru-politikako tresna guztiak dituela gaineratu du.
Interes tasen seigarren igoera jarraia da, eta 2008ko amaieratik gaur arte izan duen maila gorenean kokatu da diruaren prezioa.
Suitzako Banku Nazionalak Credit Suisse banketxeari maileguan 50.600 milioi euro emango dizkiola baieztatu den egunean etorri da erabakia.
Gordailu tasa, bestalde, % 3ra igo du, eta mailegu erraztasuna, % 3,75era.
Bestalde, Europako Banku Zentralak azpimarratu du prest dagoela bere tresna guztiak doitzeko epe ertainean inflazioa % 2ra jaisteko.
2023an inflazioa % 5,3ra jaitsiko dela aurreikusi du
Finantza merkatuetan berriki izandako gorabeheren ondoren, Europako Banku Zentralak aurreikusi du inflazioa, batez beste, % 5,3koa izango dela 2023an, % 2,9koa 2024an eta % 2,1ekoa 2025ean. Azpiko inflazioa (energia eta elikagai freskoak aintzat hartzen ez dituena), ostera, % 4,6koa izango omen da 2023an, % 2,5ekoa 2024an eta % 2,2koa 2025ean.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".