2023an Espainiako ekonomia aurreikusitakoa baino gehiago haziko dela iragarri du Nazioarteko Diru Funtsak
Nazioarteko Diru Funtsak iragarri du 2023an Espainiako ekonomia uste zena baino lau hamarren gehiago (% 1,5) haziko dela. 2024rako, aldiz, hazkunde aurreikuspena jaitsi egin du, % 2raino, aurreko azterketan aurreikusitakoa baino lau hamarren gutxiago. Bi zenbakiok Europako batezbestekoaren gainetik daude: oro har, euroguneko herrialdetan % 0,8ko hazkundea espero da aurten, eta % 1,4koa, hurrengoan.
Aurreikuspen ekonomikoen txostena aurkeztu du gaur Nazioarteko Diru Funtsak, erakunde hori Washingtonen (AEB) egiten ari den batzarretan. Urtarrilean kaleratutako datuak eguneratu dituzte azken txostenean. Bertan zehazten denez, inflazioak beheranzko bideari eutsiko dio. Hala, 2023an % 4,3ra jaitsiko da kontsumorako prezioen indizea, eta 2024an, % 3,2ra.
Halaber, Europako Banku Zentralak interes tipoetan egindako igoerak Espainiako lan-merkatuan ondorio kaltegarririk ez duela izango ondorioztatu dute Nazioarteko Diru Funtseko adituek, eta langabezia-tasak behera egiten jarraituko duela aurreikusi dute.
Txostenaren arabera, aurten langabezia % 12,6raino jaitsiko da, hiru puntu gutxiago iazko datuekin alderatuta. Datorren urtean, berriz, langabeen kopurua % 12,4an kokatzea espero dute. Nolanahi ere, joera beheranzkoa den arren, euroguneko batezbestekoaren (% 6,8) oso gainetik legoke oraindik langabezia-tasa Espainian.
Pierre-Olivier Gourinchas Nazioarteko Diru Funtseko Ikerketa zuzendariak aurkeztu ditu datuok hedabideen aurrean. Horren hitzetan, azken urteotako gertakariek —pandemia eta Ukrainako gerra aipatu ditu— eragindako "moteltze ekonomikotik errekuperatzen ari da mundua". Aurreikuspenak "onak" diren arren, "zuhurtzia" eskatu du, etor daitezkeen "finantza arazo berriek" egoera berriro okerrera eraman dezaketelako.
Albiste gehiago ekonomia
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.