Euroguneko urte arteko inflazioa % 6,9ra jaitsi da martxoan eta azpiko inflazioa % 5,7raino igo da
Euroguneko urte arteko inflazioak gora egiten jarraitzen du, baina igoera apaldu egin da otsailetik (% 8,5) martxora (% 6,9), Eurostat Europako Estatistika Institutuak gaur zabaldutako datuen arabera. Europar Batasunean ere joera bertsua da eta urte arteko inflazioa % 8,3raino jaitsi da martxoan. Aurreko hilabetean, % 9,9koa izan zen.
Bien bitartean, azpiko inflazioa hamarren bat igo da otsailetik martxora, % 5,6etik % 5,7ra, eta marka historiko berria ezarri du.
Energia eta jaki freskoak ez ezik, elikagai prozesatuak, tabakoa eta alkohola ere uzten ditu kanpoan Eurostatek azpiko inflazioa kalkulatzeko, Europako Banku Zentralaren irizpideekin bat eginez. Energia eta jaki freskoak aintzat hartzen ez dituen azpiko inflazioa (Espainiako Estatistika Institutuak erabiltzen duena), ostera, % 7,5ean kokatu da.
Bost hilabetez jarraian, urte arteko inflazioaren igoera apaldu egin da eurogunean eta Europar Batasunean. Lehenengoaren kasuan, 2022ko otsailetik izandako txikiena da, eta bigarrenaren kasuan, ostera, 2022ko apiriletik izan den txikiena. Bi kasuetan, energiaren prezioak izan duen beheranzko bilakaeragatik gertatu da hori.
Inflazioa herrialdez herrialde aztertuta, hauek dira martxoan tasarik txikienak izan dituzten herrialdeak: Luxenburgo (% 2,9), Espainia (% 3,1), Herbehereak (% 4,5), Belgika (% 4,9), Grezia (% 5,4), Zipre ( % 6,1) eta Frantzia eta Finlandia (% 6,7). Aitzitik, tasa handiena izan dutenak hauek dira: Eslovakia (% 14,8), Lituania eta Polonia (% 15,2), Estonia (% 15,6), Txekiar Errepublika (% 16,5), Letonia (% 17,2) eta Hungaria (% 25,6).
Albiste gehiago ekonomia
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.