EAEko gizarte ekimeneko ikastetxeetako grebak negoziazioen "blokeoa" salatu du
ELA, Steilas, CCOO, LAB eta UGT sindikatuek deituta, greba eguna izan da gaurkoa Euskal Autonomia Erkidegoko (EAE) gizarte ekimeneko itunpeko ikastetxeetan, eta, sindikatuon esanetan, % 65ekoa izan da jarraipena. Kristau Eskolak, aldiz, % 20an kokatu du lanuztearen jarraipena, eta elkarrizketan eta negoziazioekin jarraitzeko deia egin du.
Miren Zubizarreta ELA sindikatuko ordezkari eta gainerako zentralen bozeramaileak Bilbon deitutako manifestazioa hasi aurretik esan duenez, lanuzteak "jarraipen zabala" izan du Jaurlaritzak ezarritako "gehiegizko zerbitzu minimoak" gorabehera. Aipatzekoa da, horren esanetan, Bizkaian izandako "eragin nabarmena". Halaber, goizean izandako martxan 5.000 langile inguru batu izana aipatu du jarraipen handi horren erakusle.
Grebak gaurkoan izan duen jarraipena eta manifestazioak izan duen babesa ikusita, patronalei "edukiak izango dituen proposamen bat helarazteko" eskatu die Zubizarretak. "Horrela izan ezean, greba eta mobilizazioak indartu beste biderik ez dugu izango", ohartarazi du.
Azaldu duenez, hitzarmena 2021eko abendutik dute iraungita, eta ordutik 13 bilera egin dituzte patronalarekin, berria negoziatze aldera. Duela hilabetetik, "ez atzera ez aurrera" dago negoziazioa, eta patronalen "immobilismoa" eta "proposamen falta" salatu dituzte.
Besteak beste, hauek dira sindikatuen eskari nagusiak: lan-zama arintzeko neurriak, sektore feminizatu eta prekarizatuenentzat hobekuntzak, KPIaren araberako soldata igoerak, lanpostuei eusteko neurriak eta Lanbide Heziketarako hobekuntzak. Euskara planak, berdintasun planak eta lan osasuna zaintzeko planak ere sindikatuen jomugan daude.
Jose Antonio Gonzalez CCOOko kidearen hitzetan, martxoan aldarrikapenen txosten bat helarazi zieten patronalei, baina ez dute erantzunik jaso. Gonzalezek nabarmendu du espero dutela gaurko grebaren ostean negoziazioari berriz heltzea.
Jaurlaritzak gaur aurkeztu duen Hezkuntza legearen aurreproiektuaz galdetuta, sindikatuetako ordezkariek ez dute erantzun nahi izan.
Bestalde, Kristau Eskolako zuzendari nagusiak, Maria Eugenia Iparragirrek, Euskadiko 120 ikastetxe kristau baino gehiago biltzen dituen patronalaren borondatea azpimarratu du, "soldata eta ordutegi baldintzak hobetzeko", "ikastetxeen iraunkortasuna hezkuntza itun berriaren esparruan" mantenduz, baina hori "Eusko Jaurlaritzako Hezkuntza Sailaren eskutik bakarrik" egin daitekeela errepikatu du.
"Inorentzat ez direla une errazak jakinda, elkarrizketa eta negoziazioekin jarraitzea eskatzen dugu, eta inplikatutako eragile guztiekin elkarrizketei eusten diegu: sindikatuekin eta Eusko Jaurlaritzarekin", esan du.
Kristau Eskolak eta IZEAk "bi proposamen" aurkeztu dituztela ziurtatu du, baina sindikatuek ez dituztela onartu, "2022-2024 aldirako aldarrikapenak betetzen ez dituztelako". Patronalak "langile gehienen erantzuna" eskertu du, eta familiei "lasaitasun mezua" helarazi die.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.