Bittor Oroz: "Angula arrantzan jarraitu ahal izateko profesionalizatu eta mugatu egin da lizentzia kopurua"
Euskal Autonomia Erkidegoan (EAE) angula arrantzatzeko lizentzien kopurua 150era jaistea adostu dute Eusko Jaurlaritzak eta Euskadiko Angulero Elkarteak, jarduera hori profesionalizatu eta angularen biziraupena bermatzeko. Bittor Oroz Eusko Jaurlaritzako Nekazaritzako, Arrantzako eta Elikagaien Politikako sailburuordeak azaldu duenez, iazko abenduan Europak profesionalak ez diren angula harrapaketak debekatu zituen, eta hortaz, "arrantzan jarraitu ahal izateko, profesionalizatu eta mugatu egin da lizentzia kopurua". Izan ere, angularen aisialdiko arrantza edo kirol arrantza Euskadin baino ez zegoen baimenduta.
Euskadi Irratiko "Faktoria" saioan egin dioten elkarrizketan egindako adierazpenen arabera, harrapaketa kopurua mugatu nahi da: "Aztik urtero kupo bat jarriko du, eta hori betetzen denean amaituko da arrantza".
Halaber, jarraipen batzorde bat osatuko dute, eta Euskadiko Angulero Elkarteak, Eusko Jaurlaritzak, AZTIk eta talde ekologista batek parte hartuko dute bertan.
Profesionalizazioak zer ekarriko duen galdetuta, hainbat kontu aipatu ditu. Batetik, Itsasoko Gizarte Institutuan (ISM) izena eman beharko dute, eta jarduera ekonomiko hori egiteko behar diren baimenak eskuratu eta betebehar fiskalak bete beharko dituzte. Bestetik, harrapatutako angulak horretarako jarriko diren bi lonjetako batean (Getarian edo Santurtzin) saldu beharko dituzte. "Aktibitatea mantentzeko modu bat da, eta oso gainean egongo gara zenbat harrapatuko den", gaineratu du.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.