EAEko ekonomia % 1,5 hazi zen 2023ko bigarren hiruhilekoan
Euskal Autonomia Erkidegoko BPGa % 0,4 hazi zen 2023ko bigarren hiruhilekoan, eta, aurreikusitakoaren arabera, urtetik urterako hazkundea % 1,5eko izango da, uztailean iragarritakoa baino hamarren bat txikiagoa.
Lanaldi osoko lanpostuak kontuan izanda, enpleguak % 0,7 egin zuen gora, urteko lehen hiruhilekoko datuekin alderatuta. Horrek esan nahi du urte arteko hazkundea % 1,5ekoa izan dela; guztira, 2022ko bigarren hiruhilekoan baino 14.270 lanpostu gehiago, Eustatek emandako datuek erakusten dutenez.
Unean uneko informazio ekonomikoa erakusten du txostenak, eta, esan bezala, uztailaren 17an Eustatek berak jasotako kontuetako emaitzak nolabait aldatzen ditu azken iragarpen honek, dela hiruhilekoen arteko alderaketan, dela urte artekoan.
Eustatek zehaztu duenez, ekonomia % 8,5 hazi da 2019tik, alegia, pandemia aurreko garaietatik.
Araban izan zuen ekonomiak hazkunde handiena (% 1,6) urteko bigarren hiruhilekoan. Gipuzkoak % 1,5eko hazkundea izan zuen, eta Bizkaiak % 1,4koa.
Eusko Jaurlaritzak gorantz berrikusiko ditu 2023ko BPGaren aurreikuspenak
Datozen egunetan Eusko Jaurlaritzak gorantz berrikusiko ditu Barne Produktu Gordinari dagozkion 2023rako aurreikuspenak, gaur, asteartearekin, bigarren hiruhilekoko datuak ezagutarazi ostean, Ekonomia eta Ogasun Saileko iturriek jakinarazi dutenez.
Aurretik ere iragarri zuen irailean aurreikuspenak berrikusiko zituztela, ekainean Pedro Azpiazuren Sailak hamarren bat igo baitzuen aurretik egindako estimazioa.
Duela egun gutxi, Azpiazuk berak esan zuen % 2 inguruko hazkundea aurreikusten zuela 2024rako.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.