2024rako aurrekontuak % 5eko igoera izango duela baieztatu du Azpiazuk, osasuna eta hezkuntza indartuta
Pedro Azpiazu Eusko Jaurlaritzako Ekonomia eta Ogasun sailburuak baieztatu duenez, 2024rako aurrekontuen proiektuak "gutxi gorabehera % 5eko" igoera jasoko du, lehendakariak iragarritakoaren ildotik. Datorren urteko kontuek, Azpiazuren aburuz, "Jaurlaritzaren lehentasunei erantzuna emango diete".
"Bistan denez, osasuna indartuko dugu, Jaurlaritzaren konpromisoa delako; hezkuntzan baliabide gehigarri garrantzitsuak egongo dira eta gazteei zuzendutako politikak ere baditugu, jaiotza tasaren eta berrikuntza alorrekoak... Etxebizitzak birgaitzeko konpromisoak ere baditugu, eta diru-sarrerak bermatzeko errentak igoera nabarmena izango du 2024an", zehaztu du Radio Euskadiko "Boulevard" saioan egin dioten elkarrizketan.
Aurreratu duenez, Jaurlaritzak datorren asteartean, hilak 24, onartuko du proiektua gobernu bileran, eta ostiralean eramango dute Legebiltzarrera. Aurreikuspenen arabera, "abendu amaieran onartuta izango dugu", esan du. Oposizioko taldeen balizko babesen inguruan galdetuta, Azpiazuk aitortu du "zaila" izango dela, hauteskunde urtea izanik, "taldeek ezberdin jokatzen" dutelako.
Datorren urterako dauden hazkunde aurreikuspenak ere hizpide izan ditu sailburuak. 2024an ekonomia % 2,1 haztea espero du Jaurlaritzak. "Tasa apalak dira, bai, baina enplegua sortzen jarraitzeko aukera emango digutenak", arrazoitu du. Hala, nabarmendu du gobernua "nahiko pozik" dagoela datuokin, Europan dagoen ziurgabetasuna kontuan hartuta. Aitortu du Ekialde Hurbileko gerrak ziurgabetasuna eta zalantzak areagotuko dituela, eta hasiak direla nabaritzen "esportazioen halako moteltze bat". Dena dela, baikor agertu da: "EAEko ekonomia potentea da, industrian oinarrituta dago; hau apur bat berpizten bada, esportazioek gora egingo dute berriro".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".