Kortajarena: "Lotsagarriak dira Repsolen eta Petronorren jarrerak, xantaia egiten ari dira"
Nerea Kortajarena EH Bilduren Legebiltzarreko bozeramaileak "lotsagarritzat" jo ditu aste honetan Josu Jon Imaz Repsoleko kontseilariak eta Emiliano Lopez Atxurra Petronorreko presidenteak egindako ohartarazpenak. Espainiako Gobernuak energia konpainien gaineko zergari eutsiz gero, Espainian egindako inbertsioak baldintzatuta geratuko liratekeela adierazi dute biek.
Euskadi Irratiko "Faktoria" saioan, Kortajarenak salatu du hitz horiek "xantai bat" direla. "Politika fiskala ez duzulako konpartitzen, inbertsioak etetearekin mehatxu egiten dute? Ez da onargarria", kritikatu du.
"Banketxe eta enpresa handi hauei eskatzen ari zaiena da, inoizko irabaziak izaten ari diren momentuan, elkartasunez aritzea", gaineratu du EH Bilduko ordezkariak.
Horren hitzetan, Petronor eta Repsoleko agintariak "autopista fiskala" eskatzen ari dira. "Horren aurrean, deigarria iruditzen zait Jaurlaritza ulerkor agertzea, eta zein oldarkor langileekin eskari batzuk egiten dizkietenean", erantsi du.
Hezkuntza Legea
Bestalde, Nerea Kortajarenak gogoratu du EH Bilduk Hezkuntza Lege berriari egindako zuzenketen aurka bozkatu zuela, eta, azken unera arte eztabaidatzeko borondatea duela. Hala ere, salatu duenez, "joko arauak aldatu egin dira". "Herri akordio batean" oinarritutako legea izan beharko lukeela adierazi du, eta hezkuntza itunaren "kudeaketa oso txarra" egin dela, "kanpoko elementuak modu anbiguoan sartu" direlako.
Orain arte onartu diren zuzenketa gehienak Jaurlaritzak proposatutakoak direla esan du, baina espero du "borondate politikoa" egotea "lege on bat lortzeko, anbizioa izango duena" eta "etorkizuna eraikitzeko" balioko duena.
Pedro Sanchezen inbestidura
Pedro Sanchezen balizko inbestidurari buruz, EH Bilduk "lan asko eta zarata gutxi" egin nahi izan duela esan du, eta datorren legegintzaldian "arazo nazionala" gai nagusia izango dela gaineratu du, gai sozialekin eta bizikidetzarekin batera.
EAEko hauteskundeei dagokionez, horren ustez, "batzuek denbora gehiegi" daramate "hauteskundeei begira funtzionatzen", eta bitartean "arazoak pilatzen" ari direla azpimarratu du. Ildo horretan, Osakidetza azkenaldian "altxor bat" izatetik "suspentso bat" jasotzera igaro dela erantsi du.
Albiste gehiago ekonomia
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".
EAEko familiek inoiz baino gehiago gastatu dute ostalaritzan, 4.207 euro
Euskadiko etxeetako batez besteko gastua egonkor mantendu zen 2024an, baina aisiak eta jatetxeek pisua hartzen jarraitzen dute elikaduraren, garraioaren eta irakaskuntzaren aldean.
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.