Iberiaren lurreko arreta zerbitzuan greba deialdia mantentzen dute urtarrilaren 5etik 8rako
Iberia airelineak eta CCOO eta UGT sindikatuek Madrilgo Erkidegoko Bitartekaritza Zerbitzuan (SIMA) ostegun honetan Madrilen egindako bilera akordiorik gabe amaitu da. Ondorioz, urtarrilaren 5etik 8ra lurreko arreta zerbitzuetan (handling) greba deialdia mantentzen dute sindikatuek, hau da, Erregeetan eta Gabonetako oporren amaieran.
Ia 100 hegazkin-konpainiari eragingo die Gabonetan Espainiako Estatuko aireportuetan egingo duten lanuzteak.
Itxura guztien arabera, azken orduko aldaketarik ez badago, egun horietan 29 aireportutan izango du eragina Iberiako langileek deitutako handling grebak; besteak beste, Madrilgo eta Bartzelonako hub handietan, eta Palma, Malaga, Alacant, Kanaria Handia, Tenerife Iparraldea, Tenerife Hegoaldea, Valentzia, Sevilla, Ibiza eta Bilboko aireportuetan.
Mobilizazioak Iberiari eragiteaz gain, Aenaren sarean handling-zerbitzua ematen duten 90 hegazkin-konpainia baino gehiagoren operazioak oztopatuko ditu.
Bilera akordiorik gabe amaitu ostean, Iberiak ziurtatu du "biziki" sentitzen duela sindikatuek datorren asteko greba bertan behera uzteari uko egin izana, eta elkarrizketarako prest dagoela berretsi du, konpainiak azaldu duenez.
Bestalde, sindikatuek errefusatu egin dute zuzendaritzaren egitasmoa, eta "trilerismoa" eta "prestidigitazioa" leporatu diote. Hori dela eta, Iberiako handling negozioaren bideragarritasun-plan bat eskatu dute; kaltetutako zortzi aireportuetarako konponbideak, langileek Iberiako hitzarmenaren babespean egon behar baitute; eta adostutako aldi baterako lan-erregulazioa, plantilla handiegia balitz.
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.