Bat-egitea gauzatzeko negoziazioei heldu diete berriro BBVA eta Sabadell bankuek
BBVA bankuak martxan jarri du berriro makineria Sabadell Bankuarekin bat egiteko, eta zuzendaritzarekin jarri da harremanetan negoziazioei bide emateko. Hala jakinarazi diote Balore Merkatuaren Batzorde Nazionalari.
Amua botata, balizko bategitearen baldintzak negoziatu beharko dituzte orain. Bigarren saiakera ofiziala izango litzateke, 2020ko azaroan BBVAk eta Sabadellek onartu baitzuten hilabeteak zeramatzatela bategite bat negoziatzen, baina kontaktuak jakinarazi eta bi astera, pandemia tarteko, bi erakundeek elkarrizketak eten zituztela iragarri zuten.
BBVAk orain lau urte lehen saiakera egin zuenean, Sabadell orain baino askoz ahulago zegoen. Egun, Estatu espainiarreko laugarren banketxea da. BBVAk nahiago izan zuen azalpenik ez eman, baina Sabadellek orduan publikoki jakinarazi zuen operazioa ez zela aurrera atera, ez baitzen ados jarri akzioen trukearen balizko ekuazioari buruz, hau da, eragiketaren prezioari buruz.
Gaur, Sabadell Bankuaren buru den Josep Oliuk baieztatu du BBVAren proposamen bat jaso duela bat-egite baterako. "Banco Sabadelleko administrazio kontseiluak proposamenaren alderdi guztiak behar bezala aztertuko ditu", esan du. Balizko eragiketa hori baieztatu ondoren, Sabadellen akzioek % 7,5 egin dute gora, eta BBVArenak, berriz, % 7,5 jaitsi dira.
Biek ala biek, irabazi handiak dituzte, interes-tasak altu egoteak hauspotuta. Sabadell enpresa txiki eta ertainen negozioan sartuta da, eta Erresuma Batuan TSB bankua du.
Elkartuko balira, BBVAren ekarpena 800.000 milioi eurokoa izango litzateke, % 77; Sabadellena, berriz, 236.000 milioikoa.
Espainiako eta nazioarteko aktiboak kontuan hartuta, Santander da oraindik buru, bilioi bat eta 800.000 milioi eurorekin. Caixabank dago hirugarren.
Mundu osoan 140.000 langile izango lituzte banku berriak, bat-egitea gertatuko balitz, Santanderrek baino 60.000 gutxiago.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.