'Superliga auzia'ren epaileak ebatzi du UEFAk eta FIFAk gehiegikeriaz jokatu zutela lehia askea galaraziz
Madrilgo Merkataritza Auzitegiko 17. Aretoko magistratuak, Superligaren auzia daramanak, ebatzi du UEFAk eta FIFAk gehiegikeriaz erabili zutela merkatuan duten nagusitasuna lehia askea galarazteko, eta aintzat hartu du, hein batean, European Super League Company S.L.-k (ESLC), Florentino Perez Real Madriden presidenteak sustatutako Superligaren jabeak, aurkeztutako salaketa.
Gaur jakinarazitako ebazpenean agertzen denez, UEFAk eta FIFAk lehia askerako eskubidea urratu dute futbol taldeei beste lehiaketa batzuetan parte hartzea debekatuz eta Europar Batasunaren Funtzionamendurako Ituneko 101 eta 102 artikuluak urratzen dituzten eragozpen "neurrigabeak" inposatuz.
Sofia Gil magistratuak "lehiaren aurkako" jokabideak bertan behera uzteko eta etorkizunean halakorik ez egiteko eskatu die bi erakundeei. Era berean, prozesu guztian zehar irekitako zigor izapide guztien eragina eteteko eskatu die.
2021eko apirilaren 18an hasi zen prozesua, Superligak poriektua martxan jartzeko asmoaren berri eman zuenean. UEFAren eta FIFAren erantzunaren aurrean, ESLCk salaketa jarri zuen.
Epaileak uste du ezin dela debekatu bestelako proiektuak aurkeztea edo aurkeztutakoa aldatzea, "kontrakoa onartzeak debekatu egingo bailieke salatzaileei futbol lehiaketa gehiago aurkeztea".
Ebazpena ez da irmoa eta helegitea jartzeko aukera dago Madrilgo Lurralde Auzitegiaren 28. Sekzioan.
2021eko apirilean iragarri zuten Europako 12 klubek, tartean Real Madrilek eta FC Bartzelonak, Superliga abian jartzeko asmoa, baina UEFAren eta FIFAren mehatxuen aurrean, Real Madrilek, Barçak eta Juventusek soilik jarraitu zuten, eta gaur egun, talde madrildarra eta kataluniarra dira proiektua babesten duten bakarrak.
Albiste gehiago ekonomia
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.
Zuhurtzia eta itxaropena Balenciaga ontziolaren erosketaren aurrean
Zumaiako ontziola itxieratik salbatzear egon liteke Arabiar Emirerri Batuetako talde batek erosteko interesa agertu ostean. Albiste horren aurrean, Enpresa Batzordea eta Eusko Jaurlaritzako Industria sailburua baikor agertu dira. Hala ere, tentuz ibiltzeko eskatu dute, erosketa oraindik ez baitago itxita. Zumaian ere poza eta esperantza zabaldu ditu berriak.