Kutxabankek 263,7 milioi euro irabazi ditu urteko lehen seihilekoan eta 131,8 milioi eman die fundazioei
Kutxabank taldeak 263,7 milioi euroko irabazi garbiak izan ditu 2024ko lehen seihilekoan, 2023ko aldi berean baino % 5,4 gehiago. Era berean, bankuaren Akziodunen Batzarrak bere fundazio akziodunei 131,8 milioiko dibidendua banatzea erabaki du, eta uztailaren 30ean ordainduko da.
Prentsa-ohar batean azaldu duenez, sei hileko emaitza horiek "merkataritza-jardueraren eta banku-negozio tipikoaren bilakaeran oinarritu dira". % 23,7 hazi dira, ia 1.008 milioi eurora iritsi arte.
Datu hori bi faktorek bultzatuta lortu da batik bat: alde batetik, 686,7 milioi eurotan kokatu diren interesen marjinak (2023ko aldi berean baino % 34,4 gehiago), eta bestetik, balantzetik kanpoko produktuetatik (hala nola inbertsio-funtsetatik, zorro delegatuetatik eta aurreikuspen-produktuetatik) datozen aseguruen eta diru-sarreren komisioen portaera onak ere.
Bi segmentu horiek % 13,5etik gora hazi dira, eta zerbitzuetatik eta ordainbideetatik datozen sarreren beherakada konpentsatu dute. Izan ere, finantza-erakundeak milioi bat erabiltzaile partikular baino gehiagori komisio guztiak kendu zizkien.
Era berean, banketxearen finantzaketa-jarduerak hazkunde-erritmo positiboari eutsi dio; kreditu-inbertsioa % 1,3 hazi da, 48.896 milioi euro guztira.
Kontsumorako maileguei dagokienez, Kutxabankek adierazi du "apustu estrategikoa" direla eta marka berria ezarri dutela, iazko garai berarekin alderatuta % 18,8ko hazkundea lortuta.
Harpidetutako hipoteka-mailegu berrietan ere "suspertzeko joera argia" ikusi du erakundeak; % 8,7 igo baitira 2024ko lehen hiruhilekoarekin alderatuta, eta 1.606 milioi eurora iritsi baita ekainaren amaieran.
Azkenik, berankortasun-tasak behera egin du berriro, % 1,31ra iritsi arte, sektore osoko daturik onena.
Kutxabanken iritziz, "lortutako emaitzak berresten du erakundea argi eta garbi lerrokatuta dagoela negozio-ildo nagusietan definitutako hazkunde-helburuekin, batez ere progresio-bektoreetan, hala nola enpresetan, aurrezki-inbertsioan edo aseguru-jardueran".
Negozioaren martxa on horrekin batera, bezeroen alta berrien kopurua % 11 handitu da.
Albiste gehiago ekonomia
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.