Espainiako Gobernuak baztertu egin du Magyar Vagonek Talgori eginiko EEP eskaintza eta CNMVk kotizazioa eten
Espainiako Ekonomia, Merkataritza eta Enpresa Ministerioaren Atzerriko Inbertsioen Batzordeak baztertu egin du Ganz Mavag (Magyar Vagon) talde hungariarrak Talgoren % 100 bereganatzeko aurkeztutako Erosteko Eskaintza Publikoa (EEP), segurtasun nazionaleko arrazoiak argudiatuta.
Hala erabaki du Atzerriko Inbertsioen Batzordeak, enpresen burtsako erorketak atzerriko enpresek Espainiakoen kontrola hartzeko aprobetxatzea saihesteko lege bati esker. Izan ere, EEP erosteko baimena emateak "segurtasun nazionala eta ordena publikoa bermatzeko arriskuak ekarriko lituzkeela" uste du Espainiako Gobernuak.
Gauzak horrela, Balore Merkatuaren Batzorde Nazionalak (CNMV) trenak eraikitzen dituen Talgo enpresaren kotizazioa etetea erabaki du gaur, asteartea, "kautelazko" neurri gisa eta "berehalakoan"; izan ere, konpainiaren tituluak % 0,93 jaitsi dira, eta 4,26 eurora heldu.
Espainiako Gobernuak EEP eskaintza atzera botatzeko erabakiaren arrazoia da baimena emateak "segurtasun nazionala eta ordena publikoa bermatzeko arriskuak ekarriko lituzkeela".
Gainera, Ganz Mavag (Magyar Vagon) fabrikak Talgoren ekoizpen-arazoak konpontzeko ahalmen nahikoa ote zuen zalantzati zegoen Espainiko Gobernua.
Albiste gehiago ekonomia
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".