Langile bat hil da Olletan, 8 metroko altueratik erorita
Netzero enpresako langile bat hil da, gaur goizean, 8 metroko altueratik erorita Olletan, Nafarroako Leotz udalerrian. Telefono-poste batean ari zen lanean.
Foruzaingoak jakitera eman duenez, 11:30 aldera izan da ezbeharra, Lerga bidea izeneko pistan.
Nafarroako larrialdi zerbitzuetako osasun langileak bertaratu dira, anbulantzian eta helikopteroan, baina ezin izan dute gizonaren bizia salbatu. Tokian bertan hil da.
Ikerketa zabaldu du Foruzaingoak, gertatukoa argitzeko.
ELAk ohar batean salatu duenez, "Telefonica-Movistar enpresak, urtero milioika euroko irabaziak dituen arren, azpikontratazio kate amaigabeak erabiltzen ditu kostuak murriztu eta etekinak ahalik eta gehien handitzeko".
"Kasu honetan, Netzero eta Elecnor enpresak ziren kate horren parte. Azpikontratazio mota horretan prebentzioa ez da egiten, edo egiten bada, paperean gelditzen da", kritikatu du. "Hori erakunde publikoen pasibotasunaren aurrean gertatzen ari da, NOPLOI eta Lan ikuskaritza baliabide faltagatik ia kolapsoan daudenean", erantsi du.
Hori dela eta, ELAk, 2025eko aurrekontuak negoziatzen ari diren alderdi politikoei eskatu die Prebentzioko Lurralde ordezkariaren "figura ez-eraginkorra finantzatzeari uzteko, eta Nafarroako lantokietan ematen ari diren urraketak kontrolatzeko neurri zehatzak ahalbidetu ditzatela, lan-ikuskaritzaren plantilla hirukoiztea, esaterako".
Sindikatu abertzaleak zehaztu duenez, honez gero, 2024. urtean 44 pertsona hil dira haien lanpostuetan Hego Euskal Herrian, horietatik 16 Nafarroan.
Gaur Hego Euskal Herrian hil den bigarren langilea da. Loiun 47 urteko behargin bat zendu da, lantegi bateko teilatutik erorita.
LAB, ESK, Steilas, EHNE-Etxalde, Hiru eta CGT-LKN sindikatuek elkarretaratzea deitu dute ostegunerako, 11:00etan, Iruñeko Gaztelu plazan, bi istripu larrien aurka protesta egiteko.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.