Nafarroako Hezkuntzako sindikatuek urriaren 29ko grebari eusten diote, "hobekuntzak" ikusten dituzten arren
Nafarroako Hezkuntza Departamentuak mahai gainean jarri duen azken proposamena motz geratzen dela iritzita, urriaren 29rako greba deialdiari eutsi egiten diotela jakinarazi dute Hezkuntza publikoko sindikatuek. Zenbait aurrerapauso eta hobekuntza egon direla aitortu arren, uste dute mobilizaziorako arrazoiak badaudela oraindik.
Goizean bildu dira Iruñean, sindikatuetako eta Foru Gobernuko ordezkariak Hezkuntzako Mahai Sektorialean. Carlos Gimeno Hezkuntza kontseilariak eraman duen proposamenean, beteak beste, Haur Hezkuntzan ez ezik, Lehen Hezkuntzan ere irakasleko ratioa 25etik 23ra jaistea jasotzen da, eta irakasleen formakuntza orduak 35tik 25era murriztea.
Bileraren amaieran, Raul Lopez Steilaseko ordezkariak esan du langileen eskari asko oraindik airean daudela, erantzunik gabe. Bere hitzetan, "ratioak maila guztietan jaistea" da eskatzen dutena, eta aparteko lanorduen, eros ahalmena berreskuratzearen eta langilegoaren egonkortzearen inguruko proposamenik ez dute jaso. "Urriaren 29an kalera aterako gara eta indar handiz. Ikusten ari gara mobilizazioekin hobekuntzak lor daitezkeela", esan du.
Ildo beretik mintzatu da CCOOko Unai Alava ere. Azaldu du sindikatuek "positiboki" baloratzen dutela Hezkuntza Departamenduak zenbait "hobekuntza" eskaintzea, "poliki" bada ere. Uste du "negoziazioa ez dela agortu" eta "mobilizazioekin jarraitzeko arrazoiak" badaudela.
Bere aldetik, Gimeno kontseilariak esan du akordio batera iristeko moduko proposamena eraman duela mahai sektorialaren bilerara. Soldata igoerari dagokionez, berretsi du hori ez dagoela bere Departamentuaren esku, mahai orokorrean aztertu beharreko auzia dela.
Albiste gehiago ekonomia
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.