Zer dira klima-arriskuagatiko baimenak?
Espainiako Gobernuak gaur onartuko du Ministroen Kontseiluan klima-arriskuagatiko baimena, hau da, lau egunera arte lanera ez joateko baimena, soldatarik galdu gabe. Hondamendi naturalen gorakadaren aurrean, Valentzia astindu zuen goialdeko depresioa kasu, Yolanda Diazek zuzentzen duen Lan Ministerioak neurri berriak onartuko ditu. Helburua da gisa horretako larrialdi baten aurrean joan-etorriak sahiestu eta arriskuak ekiditea.
Hala, eta edozein erakundetako larrialdi agintariek joan-etorriak egiteko arriskua dagoela adieraziz gero, langileak baimen klimatiko horretaz baliatu ahal izango dira. Baimena gehienez lau egunekoa izango da, baina luzatzerik egongo da, egoerak hala eskatzen badu. Egun gehiago behar izatera, berriz, enpresek langileak aldi baterako enplegu-erregulazioko espedientean sartu ahal izango dituzte langileak.
Lan Ministerioak ostegun honetan Ministroen Kontseilura eramango duen lan arloko eta arriskuen prebentzioko neurri-sortak, "geldialdi berdea" delako eskubidea ere jasotzen du. Horren arabera, langileen legezko ordezkariek edo, halakorik ezean, lan-arriskuen prebentzioko ordezkariek enpresa batean jarduera geldiaraztea erabaki ahal izango dute hondamendi eta fenomeno meteorologiko larri baten aurrean, arriskua amaitu bitartean.
Espainiako Gobernuak 12 hilabete eman ditu langileak lan-eremuan klima-aldaketaren ondorioetatik babesteari buruzko araudi bat (Errege Dekretua) onartzeko. Arautegi horren arabera, hitzarmen kolektibo guztietan sartu beharko dira hondamendi eta fenomeno meteorologiko larrien aurrean arriskuak prebenitzeko jarduera-protokoloak.
Horrela, muturreko eta berehalako arriskurik bada, enpresak lehenbailehen eman beharko die langileei arriskuei eta neurriei buruzko informazioa, eta jarduera eteteko jarraibideak ere bai.
Zure interesekoa izan daiteke
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako tasa turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.