Erretiroa hartzeko adina 66 urte eta 8 hilera igo da 2025ean Hego Euskal Herrian
2025etik aurrera, pentsioaren % 100a jaso nahi duten langileek 66 urte eta 8 hilabete izan beharko dituzte, eta, erretiroa 65 urterekin hartu nahi izatera, Gizarte Segurantzan 38 urte eta 3 hilabetez kotizatu dutela egiaztatu beharko dute.
2011n Jose Luis Rodriguez Zapateroren Gobernuak patronalarekin eta sindikatuekin hitzartu zuen pentsio sistemaren erreformaren arabera, erretiroa hartzeko ohiko adina 65 urtetik 67 urtera igoko da, nahiz eta kotizazio luzeagoa egin dutenek 65 urterekin erretiratzeko aukerari eutsi zioten.
Erreforma horrek mailaka zehaztu zuen, 2013tik 2027ra, erretiro adina igotzeko aldia. Progresio horren arabera, honela joango dira datozen urteak:
2025: 66 urte eta 8 hilabete (edo 38 urte eta 3 hileko kotizazioa, erretiroa 65 urterekin hartzeko)
2026: 66 urte eta 10 hilabete (edo 38 urte eta 3 hileko kotizazioa)
2027: 67 urte (edo 38 urte eta 6 hileko kotizazioa)
Horrez gain, 2013tik 2022ra, 15 urtetik 25 urtera igo dute pentsioaren zenbatekoa kalkulatzeko aldia; duela bi urtetik, beraz, azken 25 urteetako kotizazioa hartzen da kontuan.
Egungo koalizio gobernuak 2023an bultzatu zuen pentsioen erreformak, baina, aldaketa bat sartu zuen kontaketa horretan, 2026rako. Ordutik aurrera, bi aukera izango dira pentsio kalkulatzeko, eta pentsiodunarentzat onuragarriena dena hartuko da aintzat: laneko azken 29 urteak, 24 hilabete txarrenak bazter utzita, edo egungo zenbaketa (azken 25 urteak).
Ipar Euskal Herria
Ipar Euskal Herrian, 1963an jaiotakoen erretiro adina luzatuko da 2025ean; 1961eko irailaren 1etik 1967ko abenduaren 31ra arte jaiotakoetan, hiru hileko atzerapen progresiboa izango da belaunaldiz belaunaldi.
Macronen Gobernuaren pentsioen erreforma liskartsuaren ondoren, 1963an jaiotakoek 62 urte eta 9 hil betetakoan hartu ahalko dute erretiroa, eta hiru hileka luzatzen joango da adin hori, belaunaldiz belaunaldi, 1968an edo geroago jaiotakoek erretreta 64 urterekin hartu ahal izan arte.
Frantziako Estatuan pentsioa osorik jasotzeko, hiruhileko kopuru jakin bat izan beharko da kotizatuta, jaiotza dataren araberakoa. 67 urtetik aurrera, pentsioa osorik kobratzen da, kotizazioa dena delakoa ere.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.