Euskadiko industriaren defentsarako lantalde baten sorrera iragarri du lehendakariak
Imanol Pradales lehendakariak Euskadiko industria defendatzeko lantalde bat sortuko dutela iragarri du. Datorren astean egingo du lehen bilera lantaldeak, eta bertan parte hartuko dute, Jaurlaritzako ordezkariekin batera, merkataritza ganberek, foru aldundiek, klusterrek eta euskal industriaren ehunaren ordezkariek.
Legebiltzarreko kontrolerako saioan egin du iragarpena Pradalesek, Joseba Diaz Antxustegik Trump berriz ere AEBko presidente izandatu ondoren zergen inguruan sortu den eszenatokiaren inguruan galdetu ostean.
"Mundua mugitzen ari da eta bloke itxietara doa, protekzionismora", aitortu du Pradalesek. "Egoerari aurrez aurre begiratu behar zaio eta Europar Batasunak eta Euskadik erabakiak hartu beharko dituzte", gaineratu du. "Iristear dagoenaren aurrean herri erantzuna" ematearen alde agertu da.
Horretarako, datorren astean industria defendatzeko lantaldea abiatuko dutela iragarri du. "Euskadik industria eta hark sortzen duen enplegua defendatzeko beharrezkoak diren mekanismo guztiak erabili behar ditu Europar Batasunarekin batera", gaineratu du.
Lehendakariaren hitzetan, ekimenak hiru helburu izango ditu: muga-zergen errealitate berriaren aurrean diagnostikoa partekatzea eta eragina jasaten duten Euskadiko sektore guztien jarraipena denbora errealean egitea; enpresei laguntzeko dauden tresnak, baliabideak eta politikak identifikatzea, eta testuinguru berriaren aurrean euskal industriarentzako gaitasunak eta aukerak indartzea.
Industria-plan berria
Lehendakariak adierazi du talde horren lanarekin osatuko dela uda baino lehen aurkeztuko den industria-plan berria. Legebiltzarreko taldeei ere eskua luzatu die, euskal industria-politika eraikitzen laguntzeko proposamenak aurkez ditzaten.
Bestalde, Pello Otxandiano EH Bilduren Legebiltzarreko bozeramaileak estrategia industriala lantzen denbora galdu izana egotzi dio lehendakariari, eta plan horren azpikontratazioak sektore publikoaren lidergoaren papera "bigarren mailako posizio batera" baztertzen duela esan du.
Europari itxaron gabe, "urrats sendoak" emateko garaia dela adierazi du EH Bilduren ordezkariak, eta hiru tresna aktibatzea proposatu du: Industria Politikorako Kontseilu bat, industria-politikak bideratzeko "prospektiba ekonomikoko organo" bat eta euskal finantza-ekosistema artikulatuko duen inbertsioen euskal funtsa.
Alderdi Popularraren iritzian, beste burutazio bat da. "Beste burutazio bat da, euskal industriak alde egiten duen edo desagertzen den bitartean. Euskal enpresek zergatik alde egiten duten galdetu duzu? Euskadi berandu iritsi da trantsizio guztietara", esan du Alvaro Gotxi legebiltzarkideak.
Albiste gehiago ekonomia
EHNE sindikatuak salatu du Nafarroako Gobernuak urratu egin duela hitzartua zuten suteen kontrako protokoloa
Nafarroako Gobernuak suteak saihesteko lehen sektoreari ezarri dion murrizketa sortak hautsak harrotu ditu. Hala, EHNE laborarien sindikatuak protesta egin du astearte honetan salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.