Talgoren % 29,7ren truke eskaintzak jasotzeko epea itxi du Trilanticek, jada jasotakoak hobetzeko itxaropenez
Talgoren % 29,7 kontrolatzen duen Trilantic funtsak datorren ostiralean jarri du epemuga bere zati horren truke eskaintzak jasotzeko. Oraingoz, Sidenorrenak eta Poloniako Garapen Funtsarenak (PFR, ingelesezko sigletan) dira mahai gainean dauden eskaintzak, baina hirugarren bat etor liteke, Indiako Jupiter Wagonsena.
Datorren otsailaren 14an amaituko da Trilanticek Talgon duen akzio-paketeagatik eskaintzak jasotzeko ezarritako epea. 19 urte daramatza Talgon eta kontrolatzen duen kapitalaren % 29,77 gainetik kendu nahi du. Trilanticek erreferentzia gisa dauka iaz Espainiako Gobernuak atzera bota zuen Hungariako Magyar Vagonen eskaintza; akzioko bost euro eskaini zituen hark.
Sidenorrek hobetu egin du bere eskintza aste honetan, eta lehen akzioko 4 euro ordaintzeko prest bazegoen, 4,8 euroraino igo zuen eskaintza (4,15 euro zuzen eta 0,65 gehiago, 2027an eta 2028an finantza-helburuak betetzeari lotuta). Sidenorrek Finkatuz euskal funts publikoa eta BBK eta Vital Kutxa fundazioak izango zituen lagun, 177 milioi euro jarriko baitzituzten guztira Talgoren % 29,7 hori erosteko.
Bere asmoen berri ematen azkena Poloniako Garapen Funtsa izan da, larunbat honetan Balore Merkatuen Batzordeari (CNMV) jakinarazi baitio Talgoren % 100 bereganatzeko asmoa zuela, baina ez dio eskaintzari preziorik jarri.
Egun bat lehenago, Indiako Jupiter Wagons ekoizleak baieztatu zuen New Delhitik eskaintza bat prestatzen ari dela Talgo erosteko, baina ez du oraingoz zehaztu zenbat ordaintzeko prest dagoen, ezta kapitalaren zein zati erosi nahi duen ere.
Espainiako Gobernua, bereziki Oscar Puente Garraio ministroa, oso gertutik ari da jarraitzen operazioa, bermatu nahi baitu konpainia Espainiakoa izatea. Hasiera-hasieratik agertu da Sidenorren alde. Poloniarrek larunbatean asmoen berri eman ondoren ere, Espainiako Gobernuak berretsi du Sidenor dela bere aukera.
Horrek ez luke baztertuko bigarren etapa batean beste industria-bazkide batzuk sartzea, hala nola Pesa edo Jupiter Wagons bera. Horiek Espainiako fabrikatzaileak behar duen gaitasuna emango lukete —4.000 milioitik gorako eskaera-zorroa eta Renferi eta Deutsche Bahni egindako entregetan izandako atzerapenak hain zuzen—, eta Sidenorren aukerak ez lituzke kontuok konponduko, sektoreko iturrien arabera.
Gauzak horrela, Talgoren akzioak bizitu egin dira azken egunetan, bereziki Sidenorren eskaintzaren berri izan ondoren, eta ostiralean 3,91 euroan itxi zen. Edonola ere, Espainiako Gobernuak Hungariako EEPari betoa jarri zionetik ez da 4 eurotik pasa Talgoren akzioen balioa.
Albiste gehiago ekonomia
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.