Oiongo Udalak baiezkoa eman dio Labrazako parke eolikoari, tentsio handiko bilkura batean
Oiongo (Araba) Udaleko osoko bilkurak baiezkoa eman dio gaur Labrazan parke eolikoa eraikitzeko plan bereziari. EAEn ia 20 urtean eraikiko den lehen parke eolikoa izango da, hain zuzen ere.
Tentsio handiko bilkura izan da: udaletxearen kanpoaldean, dozenaka pertsonak protesta egin dute proiektuaren eta Udalaren aurka, eta oihuak areto barruan entzun dira uneoro. Besteak beste, "Labraza no se vende, se defiende" (Labraza ez dago salgai, defenda dezagun), "Traidores" (traidoreak) eta "Ayuntamiento, miento, miento, miento" (Udalak, gezur) aldarriak oihukatu dituzte protestariek.
Aixeindarrek, Iberdrolak eta Energiaren Euskal Erakundeak sortutako sozietateak sustatutako ekimena da eta 200 metroko zortzi aerosorgailu instalatuko ditu.
Udalaren osoko bilkura 20:00etan hasi da, eta bertan proiektuaren aurka dauden zenbait herritar ere izan dira. Horiek ahoz agertu dute euren desadostasuna, eta irainak ere entzun dira udaleko kideen kontra, alde bozkatzeagatik.
Azkenean ez da ezusterik izan, eta proiektuak Udalaren oniritzia jaso du, EH Bilduren, EAJren eta PPren botoekin. PSE-EEren zinegotzi bakarra ez da saiora joan, proektua babesten duen arren.
Orain, parke eolikoari baiezkoa eman diote eraikitze-lanak hasteko.
Proiektuaren aurka elkarretaratzea egin duten auzokideen esanetan, proiektuak "inpaktu bisual" handia izango du herrian, errotak "Iberdrola dorrea baino altuagoak" baitira, eta aerosorgailu bat herrigunetik kilometro eta erdira egongo da.
"Baiezkoa ematera behartuta"
Udalean bikura egin baino ordu batzuk lehenago, Jose Manuel Villanueva alkateak (EH Bildu) aurreratu zuen Udala "behartuta" dagoela Labrazako proiektuari baiezkoa ematera, proiektuak baimen guztiak dituelako. "Hirigintzan, espediente guztiak behar bezala badaude, lizentzia ematera behartuta gaude", gogorarazi du alkateak. Horren kontra egitea prebarikazioa litzateke.
Gaur egungo udal gobernuak (EH Bildu) proiektuaren aurkako alegazioak aurkeztu zituen, baina horiek guztiak atzera bota dituzte. Udalak azaldu duenez, bere garaian txosten juridiko bat eskatu zuen eta horren arabera behartuta dago Labrazako parke eolikoa eraikitzeko plan berezia onartzera.
Bart Radio Euskadin egin dioten elkarrizketan, Oiongo alkateak berretsi du baiezkoa emanagatik Labrazako proiektuaren aurka dagoela.
Ramiro Gonzalez Arabako ahaldun nagusiaren (EAJ) arabera, "albiste ezin hobea da" Oiongo Udalak Labrazako parke eolikoari baiezkoa ematea. Halaber, eskerrak eman zizkion Oiongo alkateari, egindako lanagatik.
Bestalde, adierazi zuen EH Bilduren baitan energia berriztagarrien proiektuen aurrean jarrera aldaketa igarri duela.
Gaur azken tramitea gaindituta, sorpresarik ezean, udaberritik aurrera zortzi haize errota eraikiko dituzte Labrazako herrigunetik kilometro eskasera.
Zure interesekoa izan daiteke
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.
Eusko Jaurlaritzak Berrikuntzaren Itsasargiak abiatu ditu, Euskadi abangoardia zientifiko eta sozialeko Europako polo gisa sendotzeko
Berrikuntzaren Itsasargiak aurkeztu ditu, lehentasunak eta apustuak argitu, eta gizartean eta ekonomian eragina izango duten ezagutza aurreratuko proiektuak sustatzeko. Berrikuntza Funtsak 81 milioi euro izango ditu 2026an, eta % 6 handituko da urtero, 2030ean 103 milioi eurotik gorakoa izateko.
Angularen arrantza, bertan behera Euskadin
Erabakia bi txostenetan eta Arartekoaren ebazpen batean oinarritu da, aurreko kanpainan Euskadin 198,44 kilo angula arrantzatu ondoren.
Errenta aitorpena: urtea amaitu aurretik kontuan hartu beharrekoak
Datorren urteko errenta aitorpenerako oraindik hilabete asko geratzen bada ere, 2025eko ekitaldia amaitu aurretik, hainbat neurri har ditzakezu zergak arintzeko. Urtea amaitzeko bi hilabete falta direnean, Arkaitz Urdapilletarengana guri zenbait aholku eman dizkigu faktura fiskala murrizteko.
62 urteko gizon bat hil da Iturmendin, lan-istripu batean
Egurgilea mozketa lanak egiten ari zen Nafarroako herrian, Maugiaburu inguruan, eta adar bat gainera erorita zauritu da.
EAEk Espainiako Estatuari ordainduko dion Kupoa 1.532 milioikoa izango da 2026an, % 2,9 gehiago
2025ean 1.407 milioi euro ordaindu ditu guztira, baina ostegun honetan argitaratutako aurrekontuak kalkulatu du aurtengo azken likidazioa handiagoa izango dela, 1.700 milioikoa, hau da, aurreikusitakoa baino 293 milioi gehiago.
Europako Banku Zentralak interes-tasak % 2an mantendu ditu inflazioa egonkor dagoelako
EBZren Gobernu Kontseiluak, Florentzian bilduta, uste du "ekonomiak hazten jarraitu duela, nahiz eta nazioarteko ingurunea zaila izan".
Volkswagen taldeak mila milioitik gorako galerak izan ditu hirugarren hiruhilekoan, muga-zergak eta Porscheren arazoak direla eta
AEBko muga-zergen igoerak eta Porsche kirol-autoen fabrikatzailearen estrategia-aldaketak (errekuntza-motorra duten modeloen ekoizpena mantendu nahi du) 7.500 milioi euroko karga gehigarria ekarri dio taldeari. Karga horiek gabe, errentagarritasun-operatiboa % 5,4koa izango litzateke.