Asteartean mobilizatzeko deia egin dute Bridgestoneko sindikatuek, enpresaren "interes falta" salatu ondoren
Bridgestone enpresako sindikatuek asteartearte honetan (apirilak 15) mobilizatzeko deiari eutsi diote, Basauriko (Bizkaia) eta Puente San Migueleko (Kantabria) lantegietan iragarri dituzten kaleratzeen aurka. Astelehen honetan CCOO, UGT, BUB, SITB eta ELA sindikatuek zuzendaritzarekin egin duten bilera ez da oparoa izan eta langileen ordezkariek enpresak "etorkizun bideragarri bati buruz" hitz egiteko "interes falta" daukala salatu dute.
Enpresak aurkeztu duen lan-erregulazio espedientearen kontsulta-aldiko hirugarren bilera izan da gaurkoa. Espedienteak kalean utziko lituzke Basauriko fabrikako 335 langile (guztien % 40) eta Puente San Migueleko lantegiko 211 langile (guztien % 50).
Batzarrean sindikatuek berriro eskatu dut lan-erregulazio espedientea atzera bota dezatela. Ondoren, elkarrekin kaleratu duten komunikatuan salatu dute enpresak "konpromiso falta" erakutsi duela berriz ere, joan zen ostiraleko bileran egin ziren "galdera-sortako itaun batzuei bakarrik erantzun" dielako. Sindikatuen iritziz, enpresak oraindik ez ditu lan-erregulazio espedientearen nondik norakoak argitu. Era berean, uste dute zuzendaritzak hurrengo bilerara (apirilaren 24rako deitu dute) indartuta joan nahi duela, "kanpoko birkokatze-plan bat" egiteko, eta azaldu dute "etorkizun bideragarri bati buruz hitz egiteko interes falta" duela.
Sindikatuen aburuz, Bridgestoneren zuzendaritzak "hasierako estrategiari eusten dio, lantegien iraupena posible egingo duen plan industrial bat eskatzen duten langileen, erakundeen eta gizartearen eskariei muzin eginda". Era berean, "onartezina" iruditzen zaie "kaleratze masiboak iragartzea eta ez alternatibarik ez ematea".
Hortaz, sindikatuek "borrokan jarraitzeko" deia egin dute eta hirugarren greba egunari eutsi diote, asteartean, Basauri eta Puente San Migueleko lantegietan. Era berean, Usansoloko langileak ere deitu dituzte, lankideei babesa emateko.
Lantegien sarreretan elkarretaratzeak egiteko eta pikete informatiboetan parte hartzeko deia egin diete langile guztiei. Era berean, eguerdian egingo dituzten elkarretaratzeetan hurrengo egunetarako jarraibideei buruz hitz egingo dute.
Langileen batzordeak hiru greba egun deitu zituen (apirilaren 8, 11 eta 15ean) lan erregulazio espedientearen aurka protesta egiteko. Aurreko bietan jarraipena erabatekoa izan zen eta lantegietako jarduna gelditu behar izan zen.
Albiste gehiago ekonomia
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.