Trumpen politiken ondorioz AEBtik alde egin nahi duten ikerlariak hartzeko lanean ari da Euskadi
Ikerbasquek Euskadin ikerketarako funtsen errekorra lortuta itxi zuen 2024a. Bere ikertzaileen lanari esker 47 milioi euro baino gehiago erakarri zituen, aurreko urtean baino bi milioi gehiago, eta Europako erreferentziazko zientzia-eragile gisa duen posizioa sendotu zuen.
Iaz, fundazioak bederatzi herrialdetako 45 ikertzaile hartu zituen, eta orain AEBn lanean dauden eta Donald Trumpen politiken ondorioz herrialdea utzi nahi duten euskal zientzialariak hartzeko negoziazioetan ari da. Guztira, 35 herrialdetako 402 profesionalek dihardute Ikerbasquen, hiru kategoriatan banatuta: finkatutako 201 ikertzaile, 112 ikertzaile gazte eta 89 "research associates", ikerketa-karrerako tarteko figura.
Lortutako finantzaketari eta erakundeen bultzadari esker, 2024aren amaieran 1.643 pertsonak egiten zuten lan Ikerbasqueko ikertzaileek gidatutako taldeetan. Gainera, inpaktu handiko aldizkari zientifikoetan 1.553 artikulu argitaratu ziren, eta kanpo-finantzaketako 1.300 proiektu baino gehiago gidatu ziren, horien artean 30 European Research Council (ERC) ospetsuarenak.
Ikerketa-jarduerak eragina izan zuen enpresa-esparruan ere, proiektuen emaitzetan oinarritutako 41 spin-off sortu edo bultzatu baitziren. Horren ondorioz, Europako Batzordeak sei aldiz aitortu du Ikerbasquerek talentua erakartzeko duen programa kontinenteko ekimen zientifiko onenetakoa dela.
Fundazioko ikertzaileek 25 euskal unibertsitate eta zentrotan egiten dute lan, besteak beste, UPV/EHUn, Deustun, Mondragon Unibertsitatean eta puntako zentroetan, hala nola BERC, CIC, Tecnalia, Azti eta Euskadiko osasun-ikerketako institutuetan.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.