ErNE, Esan eta Sipe sindikatuek ertzain kopurua handitzeko plana babestu dute: "Urrats garrantzitsua da"
ErNE, Esan eta Sipe sindikatuek babestu egin dute Eusko Jaurlaritzaren Segurtasun Sailak ertzain kopurua handitzeko aste honetan iragarritako plana, eurek egindako proposamenak "aintzat hartu" direla iritzita. Bingen Zupiriak zuzentzen duen departamenduak negoziazioak hasi ditu 2030ean Ertzaintzaren plantillan 8.000 agente izan daitezen.
Aipatutako sindikatuen ordezkaritza bat Segurtasun Saileko arduradunekin bildu zen atzo, Zupiriak asteon iragarritako Ertzaintzaren Enplegu Plan berriari buruz hitz egiteko. Pozik agertu dira ertzainak, euren iritzian, urtarrilean sinatutako lan-hitzarmenaren negoziazioan mahai gainean jarritako ildo nagusiak beteko direlako.
Bileraren berri emateko zentralek zabaldutako oharrak dioenez, enplegu planaren alde bozkatu dute ErNE, Esan eta Sipek , edukia "puntuz puntu negoziatuko" badute ere datozen hilabeteotan egin asmo dituzten bileretan.
Zentzu horretan, urrats esanguratsutzat jo dute proposamena, eta esan dutenez, "10 urtetan ezer egin gabe egon ondotik", Ertzaintza "etengabe hobetzeko" bidean da.
Zure interesekoa izan daiteke
Urrian langabezia-tasa % 0,60 igo da EAEn eta % 2,04 Nafarroan, irailarekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazioa % 1,32 hazi da EAEn eta % 0,89 Nafarroan.
Petronorreko gatazkak bere horretan dirau: langileek ez dute akordioa onartu eta greba mugagabean jarraitzen dute
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.
Sindikatuek manifestazioa egingo dute Bilbon hilaren 12an “gutxieneko soldataren alde”
Udan Legebiltzarrean aurkeztu zuten legegintzarako herri-ekimenaren aurka agertu zen Eusko Jaurlaritza. Sindikatuen ustez, eztabaida “gutxieneko demokratikoa” da eta, beraz, protesta egingo dute Jaurlaritzaren, EAJren eta PSE-EEren egoitzen aurrean.
Ekonomia, Lan eta Enplegu Sailak % 3,3ko igoera aurkeztu du 2026ko aurrekontuetan
Aurrekontu horien ardatza, batez ere, enplegu-politika aktiboak indartzea izango da; zehazki, prestakuntza, kontratazioa eta kolektibo kalteberen laguntza sustatzea.
Aurreikuspenen arabera, Euskadiko hidrogeno-korridorea egiteko 50 udalerritan zehar 163 kilometro hodi ezarriko dira
Euskadiko sarea bi zatitan banatuko da. Enagasek diseinatutako proiektuaren arabera, lanak 2028an hasi eta 2030ean amaituko dira, eta 400 milioi euroko inbertsioa ekarriko dute.
Aurrekontuen negoziazioan "maila emateko" eskatu die D'Anjouk EH Bilduri, PPri eta Sumarri
EAEko aurrekontuak adosteko negoziazioan "interes alderdikoiak" alde batera uzteko eskatu dio Ogasun eta Finantza sailburuak oposizioari.
Astelehen honetan hasiko dira sailburuak beren sailetako aurrekontuak Legebiltzarrean aurkezten
2026ko aurrekontuen egutegiaren arabera, osoko zuzenketen bilkura datorren abenduaren 9an egingo dute, eta Ogasun eta Aurrekontu Batzordeak landutako irizpena eztabaidatzeko osoko bilkura, abenduaren 23an.
Kamioilari bat zauritu da Taxoaren, deskargatzen ari zen metalezko fardel bat gainera erorita
59 urteko gizona Nafarroako Unibertsitate Ospitalera eraman dute, pronostiko erreserbatuko kolpe ugarirekin. Larunbat honetan, lanean ari zela gertatu da istripua.
MasOrange osoa eskuratzeko akordio ez-loteslea iragarri du Orangek
Operazioa urte honen amaieran egitea aurreikusten du. Horrela, Euskaltel, MasOrangen integratuta dagoena, enpresa frantsesaren eskuetara igaroko da.
Dozenaka kamioik trafikoa oztopatu dute Iruñean, baldintza hobeak aldarrikatzeko
Tradisna elkarteak hilabeteak daramatza "fiskalitate justua", garraio astunari bidesarien kobrantza etetea edota azpiegiturak hobetzea aldarrikatzen.