BBVAk Sabadell erosteko egindako eskaintza gelditu beharko litzatekeela dio Diazek: "Oso albiste txarra da"
Yolanda Diaz Espainiako Gobernuko bigarren presidenteorde eta Lan eta Gizarte Ekonomiako ministroaren ustez, Espainiako Gobernuak geldiarazi egin behar du BBVAk Banco Sabadellen akzioak erosteko egin duen eskaintza publikoa. Izan ere, Merkatuen eta Lehiaren Batzorde Nazionalak (CNMC) argi berdea eman dio operazioari azken orduetan, eta Ministroen Kontseiluan onartzeko zain dago orain.
Elkarrizketa batean, Yolanda Diazek oso albiste txartzat jo du balizko fusio hori, Espainian dagoen finantza-oligopolioa "are gehiago indartu" eta Europako Batzordeak ohartarazi duen arrisku sistemikoa areagotu egingo duela iritzita.
Hala, eragiketa horren aurrean interes orokorraren alde egiteko deia egin du, horren aburuz, "eragin oso negatiboa" izango duelako enpleguan, zerbitzu publikoetan eta Espainiako egoera ekonomikoan. Hain zuzen ere, Diazek esan du ondorio kaltegarriak izango dituela lan-arloan, bulegoak ixtearen ondorioz sektorean 5.000 kaleratze inguru planteatzen ari direlako.
Itxiera horiek, gainera, "arazo demokratiko larria" areagotuko dute Espainian, finantza-bazterketa, alegia. "Gaur egun ezinezkoa da finantza-erakundeetarako sarbiderik gabe bizitzea; beraz, funtsezko arriskua egongo da gai honetan", ohartarazi du.
Gainera, Kataluniako ehun ekonomiko, sozial, kultural eta sindikalaren aurka egitea "akats larria" dela esan du, eta patronalei euren iritzia emateko deia egin die, akzioak erosteko eskaintza hori "gehiengoaren interesen eta demokrazia ekonomikoaren aurka" doala iritzita.
Albiste gehiago ekonomia
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan karga handiegia zutela, LAB sindikatuko Jesica Gondraren hitzetan. Adierazi duenez, zuzendaritzak urte biko epean ez du ezer egin baieztatu. Sindikatuen ustez, zuzendaritzak egoera baliatu nahi du langileen irudia zikintzeko, Gernikako larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.
Euskadik Estatuko bigarren soldata-kosturik altuena izan du urteko lehen hiruhilekoan
Euskadin, soldaten kostua 2.543,50 eurokoa izan da lehen hiruhilekoan, eta Espainian, berriz, batez bestekoa 2.290,46 eurokoa.
Eusko Jaurlaritzak "ezohiko" gutxieneko zerbitzuak ezarri dizkio Gasteizko lorezainen grebari
Horiek finkatzerakoan, Ekonomia, Lan eta Enplegu Sailak Gasteizko Udaltzaingoaren eta suhiltzaileen bi txosten hartu ditu kontuan, "berdegune batzuen eta hiri-bide batzuen egungo egoeraren arriskuaz ohartarazten dutenak".