Auto elektrikoak erosteko 7.000 €-rainoko laguntzak eskatu daitezke dagoeneko
Eusko Jaurlaritzak Moves III 2025 abian jarri du eta 14,9 milioi euro bideratu, mugikortasun elektrikoa sustatzeko eta autoak eta karga-puntuak erosteko dirulaguntzak emateko.
Eusko Jaurlaritzak gaur ireki du Moves III 2025 programaren dirulaguntzak eskatzeko epea. Energiaren Euskal Erakundearen (EEE) webgunearen bidez, programak 7.000 eurorainoko dirulaguntzak eskaintzen ditu ibilgailu elektrikoa erosteko.
Guztira, 14,9 milioi euroko aurrekontua du programak, eta honela dago banatuta: 8,4 milioi ibilgailu elektriko berriak erosteko erabiliko dira, eta 6,5 milioi, karga-puntuak instalatzeko. Aurreikuspenen arabera, egitasmoari esker, Euskadin 2.000 ibilgailu elektriko gehiago ibiliko dira.
Dirulaguntzak atzeraeraginez eskatu ahal dira, eta 2025eko urtarrilaren 1etik aurrera egindako erosketei aplikatu ahal izango zaizkie. Hala ere, enpresek ezin izango dituzte dirulaguntzak atzeraeraginez eskatuko.
Auto zaharra ez da derrigorrean txatar bihurtu beharko, baina hala eginez gero, dirulaguntzaren zenbatekoa handiagoa izango da. Hortaz, ibilgailu berriak txatartutako ibilgailu zaharra ordezkatuko badu, laguntzak gehienez ere 7.000 eurokoak izango dira, auto bakoitzeko.
Kargarako puntuak instalatzeko dirulaguntzei dagokienez, kostuaren % 70 jaso ahal izango da, eta ehunekoa handiagoa izango da talde espezifikoetan, hala nola taxilarien eta 5.000 biztanletik beherako udalerrien kasuetan. Laguntzak partikularrei, autonomoei, enpresei, administrazio publikoei eta jabe-erkidegoei zuzenduta daude, azken horiek garaje komunitarioetan enborreko aurreinstalazioak egiteko.
Mikel Jauregi Industria sailburuak azpimarratu duenez, neurriaren helburua da gutxiago kutsatzen duten ibilgailuak erostea erraztea eta EAEko automobilgintzari laguntzea; izan ere, sektore horrek 40.000 lanpostu sortzen ditu: "Euskadin, berotegi-efektua eragiten duten gasen emisioen % 35 garraioak sortzen ditu. Ibilgailu elektrikoa gakoa da deskarbonizatzeko", esan du.
Moves III 2025 ez da bateragarria izango apiriletik martxan dagoen Emisio Gutxiagoko Ibilgailuen programarekin. EGI programak dagoeneko 600 espediente izapidetu ditu, nahiz eta furgoneten alorrean eragin txikiagoa izan, sailburuak berak aitortu duenez.
Azken Moves planean, 18.000 eskaera onartu ziren: 7.800 laguntza eman ziren autoak erosteko, eta 6.700, karga-puntuak jartzeko.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.