Gobernuak onartu du BBVA Sabadellen jabe izateko EEPa, baina bat-egitea hiru urte barru gauzatuko litzateke
Carlos Cuerpok Ministroen Kontseiluaren osteko prentsaurrekoan iragarri duenez, Gobernuak operazioa onetsi du, baldintza jakin batzuekin. Horrela, bi erakundeek nortasun juridikoa eta ondarea bereizita mantendu beharko dituzte, eta autonomia osoz jokatu beharko dute kudeaketan, hiru urtez. BBVAk eskaintzarekin jarraitzen duen, bertan behera uzten duen edo Gorenean errekurtsoa jarriko duen erabaki beharko du orain.
Carlos Torres, BBVAren presidentea. Argazkia: EFE
Ministroen Kontseiluak astearte honetan onartu du BBVA eta Sabadell fusionatzea, baldin eta datozen hiru urteetan bi erakundeek identitate juridikoa eta ondarea bereizita mantentzen badituzte, eta nork bere kabuz kudeatzen badu jarduera.
Orain, BBVAk hiru aukera ditu. Aukeretako bat bere planarekin aurrera jarraitu eta eskaintza Kataluniako bankuko akziodunei helaraztea izan daiteke. Baina, bere esku dago amore ematea eta EEPa ez onartzeko aukera. Azkenik, Ministroen Kontseiluaren erabakiaren aurkako helegitea ere jarri dezake Auzitegi Gorenean, eta, kautelaz, Gobernuak ezarritako baldintza airean uzteko eska diezaioke.
Carlos Cuerpo Ekonomia ministroak iragarri du Gobernuak BBVAk duela 13 hilabete aurkeztu zuen EEPari buruzko erabakia.
Ministroen Kontseiluak hiru urtetik bost urtera luzatu ahal izango du erakunde juridiko bereizi gisa mantentzeko ezarritako baldintza, Carlos Torres buru duen bankuak abiarazitako EEPa gailentzen bada. "Hiru urte barru, baldintza horren eraginkortasuna ebaluatuko da, eta Ministro Kontseiluak zehaztuko du iraupena bi urte gehiago luzatuko den", zehaztu du Gobernuak, prentsa-ohar bidez.
Bi erakundeek bat egitea 2020an planteatu zen, baina, orduko hartan ez zen gauzatu. Gobernuak hilabete inguru zeraman mugimendu horri buruz eztabaidatzen; izan ere, Ekonomia Ministerioak auzia Ministroen Kontseilura eramatea erabaki zuen, gizartean izan zitzakeen eraginaz jabetuta.
Carlos Cuerpo buru duen sailak ikusi zuen eragina izan zezakeela sektoreko erregulazio-helburuei, langileen babesari, lurralde-kohesioari, ikerketa eta garapen teknologikoaren sustapenari eta gizarte-politikako helburuei behar bezala eusteko bermean.
Gobernuaren erabakiaren berri izan ondoren, Europako Batzordeak gogorarazi du Gobernu batek transakzio bat onartzeko ezarritako edozein baldintza "salbuespenezkoa, proportzionatua eta interes publikoko arrazoi baliodunek justifikatua" izan behar dela.
Bestalde, Salvador Illa Generalitateko presidenteak pozik hartu du albistea, "lehia orekatua" eta "langileen, bezeroen eta enpresen eskubideak" bermatzen dituelako.
Ekonomiari buruzko albiste gehiago
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.
Jaurlaritzak hamarren bat igo ditu hazkunde-aurreikuspenak: % 2,2koa izango da aurten, eta % 1,9koa 2026an
Mikel Torres lehendakariorde eta Ekonomia, Lan eta Enplegu sailburuak adierazi duenez, Euskadik "ekonomia indartsua du, etorkizuneko erronkei aurre egiteko prest dago, eta nazioarteko edozein ziurgabetasunen aurrean egokitzeko gaitasuna du". Hazkunde horren gakoa barne-eskaria izango da.
Gipuzkoako erreferentziazko prezioen indizea argitaratu dute, asteazkenetik aurrera alokairuak mugatzeko
Donostian, Irunen, Errenterian, Lasarte-Orian eta Zumaian izango du eragina. Hileko errenta zehazteko, hainbat datu sartu beharko dira, hala nola katastroko erreferentzia eta higiezinaren helbidea, energia-ziurtagiria, planta eta kontserbazio-egoera. Horrela, higiezin horri aplikatu beharreko alokairu-prezioen tarte objektibo bat lortuko da.
BBVAk iragarri du azaroan akzio bakoitzeko 0,32 euroko dibidendua emango duela
Erakundearen "historiako dibidendu altuena" da, eta akzioen trukean parte hartuko duten Sabadell bankuko akziodunek ere jasoko dutela ziurtatu du bankuak.