Sidenorrek Israeli altzairua saltzeari utzi dio, Espainiako Gobernuaren erabakiaren ildotik
Palestinaren aldeko erakundeek siderurgia-taldearen aurka salaketak jarri dituzte. Kontrabando delitua leporatzen diote, Bartzelonan materiala kargatzeko zain dagoen itsasontzi bat dela eta. Salaketetako bat Auzitegi Nazionalean jarri dute.
Sidenor Basauri (Bizkaia). Artxiboko argazkia: EFE
Sidenor konpainiak astearte honetan iragarri duenez, Israeli altzairua saltzeari utzi dio, Espainiako Gobernuak apirilean hartutako erabakiaren ildotik.
Enpresak berak ohar bidez jakinarazi duenez, Israelgo merkatuan egindako salmentak Sidenorren 2024ko fakturazio osoaren % 0,5 baino gutxiago izan ziren, eta, beraz, neurriak ez du eragin ekonomiko handirik izango.
Sidenorrek, altzairu luze berezien ekoizpeneko industria-taldeak, ekoizpen-zentroak ditu Euskadin, Kantabrian eta Katalunian, eta merkataritza-ordezkaritzak Alemanian, Frantzian, Italian eta Erresuma Batuan. Enpresa ikerkuntzaren eta berrikuntzaren alde egiten duen apustuagatik nabarmentzen da, eta altzairu bereziak fabrikatzeko Europako I+G zentro handienetako bat du, produktu berriak garatu eta prozesuak optimizatzeko.
Salaketak Katalunian
Kataluniako Komunitate Palestinarrak salaketa jarri du Auzitegi Nazionalean talde siderurgikoaren eta astelehenetik Bartzelonako portuan porturatuta dagoen ZIM Luanda itsasontziaren aurka.
Prou Complicitat Amb Israel erakundearen arabera, ontzia Sidenorren egindako 40 altzairuzko barra kargatzeko iritsi da Bartzelonara, eta horiekin Israelgo Haifako portura eraman behar omen ditu, Israel Military Industries (IMI) arma-konpainia "hornitzeko".
Auzitegi Nazionalean jarritako kereilak "kontrabando-delitu bat" salatzen du, eta "premiazko eginbideak" eskatzen ditu, hala nola materiala gordetzen duen edukiontzia erregistratzea eta konfiskatzea.
Era berean, "genozidio eta gizateriaren aurkako krimenen delitua egon litekeela" ere aipatzen du. Hori dela eta, ZIMek eta portuko agintariek igorlearen, hartzailearen eta kargaren edukiaren berri ematea eskatzen da, baita Sidenorren eta IMIren artean 2023ko urriaren 7tik izan diren bidalketen berri ematea ere.
ANko kereila hau ez a Sidenorren aurka jarritako bakarra. Astelehenean antzeko bat jarri zuten Bartzelonako 29 zenbakiko Epaitegian.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.