Dermatosi nodularraren agerraldiak kolokan jarri du abeltzaintza sektorea
Nafarroak abeltzaintzako azokak egitea debekatu du Frantzian eta Katalunian egoerak okerrera egin duelako, eta Gipuzkoak, berriz, urgentziaz bildu ditu abeltzainak Zizurkilen. Gironan 2.000 behi baino gehiago hil dira dagoeneko, eta Euskal Autonomia Erkidegoan bizkortu egin da txertaketa.
Artxiboko irudia: ganadu azoka bat, Arkautin (Araba)
Dermatosi nodular kutsakorraren hedapenak alarma guztiak piztu ditu. Euskal Autonomia Erkidegoan eta Nafarroan oraindik kasurik atzeman ez den arren, Frantzian eta Gironan prebentzio-neurriak areagotu dituzte erakundeek; izan ere 2.000 abelburu baino gehiago hil dituzte.
Nafarroako Gobernuak erabaki du animalien feria, lehiaketa eta kontzentrazio guztiak debekatzea (txakur eta katuenak izan ezik) azaroaren 30era arte, Frantziako egoera epidemiologikoak okerrera egin duelako. Jura, Ain eta Ekialdeko Pirinioetako departamentuetan fokuak antzeman dira, eta Gironan (Katalunia) hogei bat positibo baieztatu dira, animalien mugimendu irregularrarekin lotuta.
Dermatosi kutsakorra intsektuek transmititutako gaixotasun birikoa da, gizakiari ez dio eragiten, baina kutsatutako ale bakar bat detektatuz gero ustiategi osoa hiltzera behartzen dute. "Europako araudiak ez du zirrikiturik uzten", azpimarratu dute albaitariek. Betebehar horrek kezka sortu du sektorean, eta Euskadira iristeak ekar ditzakeen ondorio ekonomiko larriez ohartarazi dute.
Gipuzkoan, Foru Aldundiak premiazko bilerara deitu ditu abeltzainak, ostegun honetan, Zizurkilen, agerraldiaren bilakaera aztertzeko eta erantzuna koordinatzeko. Bizkaian, ustiategi asko dauden eremuetan (Karrantza bailaran, kasu), prebentziozko txertaketa bizkortu dute.
"Gaixotasun serioa da, baina hilkortasuna % 5era baino ez da iristen, eta, beraz, abere guztiak sakrifikatzea gehiegizkoa iruditzen zait", esan du Iker Eletxigerra albaitariak. Eletxigerrak 25 urte baino gehiagoko esperientzia du Karrantzan. Gainera, gogorarazi du birusa intsektuen ziztaden bidez zabaltzen dela, eta, ekoizpenari eragiten dion arren, ez dela arriskutsua gizakien osasunerako.
Kantabrian ganadua-topaketak bertan behera utzi diren arren, EAEko aldundiek ez dute oraingoz horretarako asmorik, eta igande honetan Aian (Gipuzkoa) aurreikusitako abeltzaintza-enkanteari eutsiko diote.
Nafarroan, Abeltzainen Batasunak Foru Gobernuari eskatu dio nahitaezko hilketengatiko balizko laguntzak PFEZtik salbuetsita gera daitezela, gaixotasunaren hedapenak eragin ditzakeen galeren kezka gero eta handiagoa da eta.
Zure interesekoa izan daiteke
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita.
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.
Jose Antonio Jainagak Talgoren presidentetza hartu du Carlos Palacio ordezkatuta
Enpresaria Arabako konpainiako aholkularia zen euskal partzuergoak erosi zuenetik.