ELA, LAB, Steilas, ESK, Hiru eta Etxalde sindikatuek greba orokorra deitu dute martxoaren 17an Hegoaldean, LGS propio baten alde
Sindikatuek Bilbon emandako prentsaurreko batean egin dute iragarpena. Grebak 'Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko' leloa izango du.
Sindikatuetako ordezkariak, gaur goizean. Argazkia: LAB Sindikatua.
ELA, LAB, Steilas, Hiru eta Etxalde sindikatuek greba orokorra egingo dute Hego Euskal Herrian 2026ko martxoaren 17an, 'Gutxieneko soldata hemen erabaki. LGS 1.500 euro. Soldatak hobetu, aberastasuna banatzeko' leloarekin. Euskal Autonomia Erkidegoan (EAE) eta Nafarroako Foru Erkidegoan lanbidearteko gutxieneko soldata propioa ezar dadin lortzea da helbuua.
Greba orokorraren iragarpena egiteko agerraldia izan da astelehen honetan Bilbon, eta Mitxel Lakuntza ELAren idazkari nagusiak eta Garbiñe Aranburu LABen koordinatzaile nagusiak hitz egin dute. Hego Euskal Herriko erakunde politikoen "eraso antidemokratikoa" salatu dute biek, "bertoko gutxieneko soldata bati buruzko eztabaida hasteko aukerari ere bidea itxi diotelako".
Gogorarazi dutenez, alde batetik, Nafarroako Parlamentuak "txosten juridikoen aitzakia" jarri zuen eztabaida ukatzeko, eta, bestetik, EAJren, PSEren, PPren eta Voxen botoek "itxi zuten atea" Eusko Legebiltzarrean. "Beraz, mespretxatu egin dituzte Herri Ekimen Legegilea sostengatu zuten 138.000tik gora sinadurak", salatu dute.
Halaber, gogorarazi dute erakundeek Pentsiodunen Mugimenduaren herri ekimen legegile bat ere baztertu zutela eta eztabaida fasera ez zela igaro, bai eta Confebask eta CEN patronalek uko egin dietela sektorearteko negoziazio kolektiboaren bidez lanbidearteko gutxieneko soldata propioa negoziatzeari.
Horrenbestez, ELAk, LABek, Steilasek, Hiruk eta Etxaldek erabaki dute "erantzun indartsu bat" emango dietela Eusko Jaurlaritzari eta Nafarroako Gobernuari eta Confebask eta CEN patronalei, eta greba orokorrera deituko dute martxoaren 17an.
"Oso larria da ordezkari politikoek gizarteari ukatzea lege aldaketak proposatzeko duen aukera bakarra. Demokrazia zeharo murrizten ari dira", salatu dute.
Gainera, sindikatu deitzaileek nabarmendu dutenez, "langileen eskubideen aldeko autogobernu eta burujabetza ariketa bat gutxietsi dute, eta Gasteizko eta Iruñeko gobernuek eta patronalek Espainiako lan legedia inposatu nahi dute, euskal langile klasea are egoera prekarioagora bultzatzeko".
Hain zuzen, hasteko, greba deituko duten sindikatuek proposatu dute 2026rako 1.500 euroko lanbidearteko gutxieneko soldata ezartzea, eta EAEko eta Nafarroako parlamentuek finkatu beharko lukete, behin Espainiako Kongresuan Langileen Estatutuko 27. artikulua aldatzeko urratsa egin ondoren.
Eskaera gobernuei
Horregatik, sindikatu deitzaileek euskal alderdi politikoei galdegiten diete aldarri hori Madrilera eraman eta haren onarpena negozia dezaten. Bide batez, eskatu diete ez dezatela EAEko nahiz Nafarroako estatus juridikoaren aldaketarik onartu baldin eta eskuduntza hori gabe bada.
Halaber, sindikatuok Confebask eta CEN patronalei egindako eskariak bere horretan dirau, hau da, lanbidearteko akordioak sina ditzatela gutxieneko soldata hilean 1.500 eurokoa izan dadin 2026rako.
Sindikatuen arabera, lanbidearteko gutxieneko soldata handitzeak eragina izango luke negoziazio kolektiboan, beste soldaten igoera ere ekarriko bailuke. Horregatik, martxoaren 17ko greba orokorra "langileria guztiarentzako hitzordu saihestezina dugu". "Soldatak hobetzearen ondorioz aberastasunaren banaketa hobea lortzeko inflexio puntua da", gaineratu dute.
Orobat, deitzaile diren sindikatuek nabarmendu dute 1.500 euroko gutxieneko lanbidearteko soldata bat lortzeak emakume langileei ezarritako soldata arrakala murrizten ere lagunduko duela. Era berean, "ondorio zuzenak" izango ditu prekarizatuenak diren kolektiboetan (gazteak, migratzaileak zein dibertsitate funtzionala duten pertsonak).
Sindikatuen iritzian, martxoaren 17ko grebaren ardatz izango den aldarrikapena gauzatuz gero, horrelako lanbidearteko gutxieneko soldata bat gaur egun "gabezia handiak" dituen "babes sozialeko sistemaren oinarri" izango litzateke.
Bestalde, 1.500 euroak gutxieneko pentsioaren zenbatekoa ere izan beharko liratekeela uste dute sindikatuek, eta, horrela, Euskal Herriko Pentsiodunen Mugimenduaren eskari nagusietako bat bete egingo litzateke. "Eta nahikoak izan beharko lukete etxebizitza bat eskuratzeko eta bizimodu independentea garatzeko", gaineratu dute.
Burujabetza ariketa
Bukatzeko, ELAk, LABek, Steilasek, Hiruk eta Etxaldek aipatu dute grebaren aldarri nagusia ikuspegi sozialetik eginiko burujabetza ariketa bat dela. "Aberastasuna hobeto banatu eta kohesio soziala areagotuko lirateke Hego Euskal Herriarentzako eskuduntza berrien bidez, patronalek eta gobernuek Madrilen erabakitako legeak baliatu nahi baitituzte euskal langileria prekarizatzeko", azaldu dute.
Zure interesekoa izan daiteke
Espainiako Gobernuak hilean 60 euroko garraio-txartel bakarra iragarri du
Renferen trenentzako eta ibilbide luzeko autobusentzako izango da erabilgarri, eta urtarrilaren bigarren hamabostalditik aurrera izango da indarrean. Gazteentzako 30 euroan izango da bonua.
Kontsumo Ministerioak 64 milioiko isuna jarri dio Airbnb plataformari, lizentziarik gabeko etxeak iragartzeagatik
Isunaz gain, orain arte gaizki egindakoa zuzendu beharko du Airnbnb plataformak, argitaratutako lizentziarik gabeko etxebizitzak ezabatu eta horiei ezarritako isuna publiko egin beharko dute. Ebazpena irmoa da, horrenbestez, amaitu egin da bide administratiboa.
Arabako Aldundiak eta Elkarrekin Podemosek 31 milioi euroko diru-partidak onartu dituzte 2028ra arte
Arabako Foru Aldundiak eta Elkarrekin Podemos IUk igande honetan adostutako 2026ko aurrekontuei esker, erresidentzia pribatu eta etxez etxeko langileentzako lehen hitzarmenari bide emango zaio. Gaur-biharretan eztabaidatu eta zuzenketak egin ostean, ostiralean emango diote behin betiko oniritzia Aldundiaren aurrekontuari.
Biriatuko ordainlekua itxi egin dute, eta kamioi astunak ezin izango dira ibili Iparralderako noranzkoan, nekazarien protesten eraginez
12:00etan itxi dute ordainlekua, eta 7.500 kilotik gorako kamioiei eragiten die.
Jaurlaritzak beste hamar urteko lizentzia eman dio Balenciaga ontziolari itsas jarduerarekin jarraitzeko
22.400 metro koadroko lursail bat utziko diola iragarri du Elikadura, Landa Garapen, Nekazaritza eta Arrantza Sailak. Lursail horren erabilera itsasontziak eraikitzera eta konpontzera mugatu du Jaurlaritzak. Balenciaga ontziolak 10 eguneko epea du baimen hori ordaintzeko edo alegazioak aurkezteko.
Arabako Foru Aldundiak eta Elkarrekin Ahal Dugu Ezker Anitza-IUk 2026ko aurrekontuak adostu dituzte
Ituna segurutzat jotzen zen alderdi moreak joan den ostiralean osoko zuzenketa erretiratu ondoren, baina erabat itxi gabe zegoen. Astelehenean emango ditu alderdi moreak akordioaren xehetasunak.
Frantziako Gobernuak astelehen honetan hasiko du hego-mendebaldeko milioi bat behi dermatosiaren aurka txertatzen
Bitartean, Ipar Euskal Herrian laborariek mobilizazioekin jarraitzen dute. Prefeta Confederation Paysanne eta ELB sindikatuetako ordezkariekin bilduko da astelehen arratsaldean Pauen.
Gasteizko Mercedeseko langileak ordubeteko lanuztera daude deituta txanda bakoitzean astelehenetik ostegunera
Bihar, astelehena, hasiko dituzte lanuzteak, baina mobilizaziorik gabe. Asteartean eta ostegunean, ordea, elkarretaratzeak egingo dituzte 14:15ean, txanda aldaketekin batera, lantegiaren kanpoaldean.
Bizkaiko eta Gipuzkoako arrantzaleek balorazio gazi-gozoa egin dute EBk ezarritako arrantza kuoten inguruan
Erdietsitako akordioa albiste txarra da Ondarroako alturako ontzientzat, besteak beste, legatzaren eta oilarraren kuotak jaitsi dituztelako. Kaltetuenak, baina, berdela amuarekin arrantzatzen duten ontzi txikiak dira, % 70 murriztu baitute harrapaketen kopurua. Baxurako arrantzaleentzat, aldiz, akordio “positiboa” da, hegaluzearen kuotari eutsi egin diotelako eta atun gorriarena eta antxoarena handitu direlako.