Brent upela 112 dolarrean dago, Irango gerraren laugarren astean
Ekialde Hurbileko gatazka armatuak energiaren prezioa baldintzatzen jarraitzen du. Gaur goizaldetik petrolio gordinaren prezioa joera argirik gabe aritu da; izan ere, 114 dolarretik gorako maximoa jo du, eta 110,22ko minimoa.
Petrolioa ateratzeko prozesua. Artxiboko argazkia: Europa Press
Maiatzean entregatzeko Brent petrolio upela 112 dolarrean dago astelehen honetan, AEBk eta Israelek Iranen aurkako gerraren laugarren astean.
Zehazki, Europan erreferentzia den Brent petrolio gordinaren salneurria % 0,21 igo da, eta 112,42 dolarrean dago. Gaur goizaldean, petrolio gordina joera argirik gabe aritu da burtsan kotizatzen, 114 dolarretik gorako maximoa eta 110,22ko minimoa izan baititu.
Gauzak horrela, Ekialde Hurbileko gatazka armatuak energiaren prezioan eragin zuzena izaten jarraitzen du.
Donald Trump AEBko presidenteak 48 orduko epea eman du Iranek Ormuzko itsasartea "erabat irekitzeko" eta, bestela, zentral elektrikoei eraso egingo diela ohartarazi du.
Irango Guardia Iraultzaileak adierazi du Teheranek ez diela eskualdeko zentral elektrikoei eraso egingo, baina AEBk Islamiar Errepublikaren instalazioei eraso egiten badie, "modu berean" erantzungo duela ziurtatu du.
Washingtonek mehatxua betetzen badu, "Iranek erantzun egingo du", adierazi du Guardia Iraultzaileak.
Era berean, Fatih Birol Energiaren Nazioarteko Agentziaren (IEA) zuzendari exekutiboak esan du egoera "oso larria" dela eta egungo ziurgabetasuna 1970eko hamarkadako krisi energetikoa baino akutuagoa dela jada, Ormuzko itsasartea blokeatuta eta Ekialde Hurbileko zentral energetikoei egindako erasoek baldintzatutako testuinguruan.
AEBn erreferentzia den Texasko petrolioa (WTI) % 0,78 igo da astelehen honetan, 112,81 dolarreraino, AEBn merkatua ofizialki ireki aurretik.
Zure interesekoa izan daiteke
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.
Tubos Reunidoseko langileek elkarretaratzea egin dute San Mameseko zabalgunean, Bilbon
Athletic-Betis partidaren atarian lan-erregulazioaren eta altzairutegia ixtearen kontrako jarrera azaldu dute. Gainera hitzartutako kaleratzeei atxikimendua emateko prozesua kritikatu dute, eta dudan jartzen dute benetan 301 langilek izena eman duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.