Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Nafarroako Gobernuak iragarri du neurri sorta bat jarriko duela martxan, Irango gerrak eragin dituen ondorio ekonomikoak helburuarekin. Hasteko, zergak harmonizatzeko foru dekretu bat onartu du eta horren bidez, Estatuak iragarritako paketea Nafarroako araudira egokitu du. Horrez gainera, bestelako neurri fiskaletan ere ari dela lanean aurreratu du, besteak beste, PFEZaren eta BEZaren ordainketak atzeratzeko aukeran.
Bileraren osteko prentsaurrekoan, Jose Luis Arasti Ekonomia eta Ogasun kontseilariak azpimarratu du Nafarroak "etxeko lanak" egin dituela eta prest dagoela "herritarrei mesede egiten dieten neurriak zuzenean aplikatzeko, baita zenbait arlotan aurrea hartzeko ere".
Asteazken honetan onartutako dekretuak foru araudira egokitu du Estatuko Gobernuak iragarritako neurri sorta. Neurri horiek ekainaren 30era arte egongo dira indarrean, eta Nafarroako zergadunei 37,2 milioi euro aurreztea dakarte:
- BEZa % 21etik % 10era murriztea erregaietan, elektrizitatean eta gasean
- Energia elektrikoaren ekoizpenaren balioaren gaineko zergaren beherapena, % 10eko murrizketarekin lehen hiruhilekoan eta % 100ekoa bigarrenean
- Elektrizitatearen gaineko zergaren murrizketa, % 5,1etik % 0,5era.
- Erregaien gaineko zergaren murrizketa, litroko 11,4 zentimo gasolinan, 4,9 zentimo dieselean edo 7,6 zentimo B gasolioan.
Era berean, Nafarroak zuzenean kudeatuko ditu 10 milioi euroko laguntzak, nekazaritza- eta garraio-sektorerako, gasolioaren gastuak konpentsatzeko laguntza gisa. Foru Gobernua arduratuko da kolektibo ahulei edo industriari zuzendutako Estatuko beste linea batzuez ere.
Neurri gehigarriak
Hala ere, Arasti sailburuak iragarri du Nafarroako Gobernua "epe labur, ertain eta luzerako estrategia" lantzen ari dela, "enpresak, autonomoak eta familiak babesteko".
Ildo horretan, aurreratu du datorren astean 2026ko lehen hiruhilekoko PFEZaren eta BEZaren zerga-zorrak edo martxoko aitorpena salbuespenez atzeratzea onartuko dutela.
Epe ertainera, egoeraren etengabeko jarraipena egiten eta jarduera berriak diseinatzen jarraituko dutela jakinarazi du, eragile ekonomiko eta sozialekin koordinatuta, Ekonomia eta Gizarte Kontseilua bezalako espazioen bidez. Azkenik, epe luzera, etorkizuneko Zerga Neurriei buruzko etorkizuneko Legean egiturazko neurriak sartuko direla jakinrazi du, gerraren ondorioak arintzeko.
Ekonomia kontseilariak adierazi duenez, Gobernuak Nafarroako "ekonomiaren babes ezkutua indartzen jarraitzen du, ekoizpen-sarea babestuz eta Nafarroako familien egonkortasuna bermatuz".
Zure interesekoa izan daiteke
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digital erosi du
Iñigo Ucin presidente ez-exekutibo eta Manuel Baraza kontseilari delegatu ariko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zena erosi du.
Euriborra % 2,565era igo da, 2022ko urritik izan duen hileko hazkunderik handiena
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.