Albiste da
EEE-a Tubos Reunidosen |
Eguraldi ezegonkorra |
Iraungitako txertoak |
2012DA14
Gorde
Kendu nire zerrendatik

Asteroide bat Lurretik oso gertu igaroko da gaur

Gure planetatik 27.860 kilometrora igaroko da, eta, NASAk baieztatu duenez, ez dago talka egiteko arriskurik.
eguraldia_asteroide

130.000 tonako asteroide bat Lurretik 27.860 kilometrotara igaroko da ostiral honetan, 28.100 km/h-ko abiaduran, NASAren datuen arabera. Lurretik gertuen igaroko den objektu kosmikoa da, agentziak dituen datuak oinarri hartuta.

2012DA14 izena du asteroideak, eta Espainiako astronomo talde batek atzeman zuen, orain urtebete.

NASAk baieztatu duenez, ez dago Lurrarekin talka egiteko arriskurik, eta asteroidearen ibilbidea ikertu duten adituen arabera, ez da 27.520 kilometro baino gertuago igaroko geuretik.

Hala, kalkulu horiek oinarri hartuta, otsailaren 15ean, 19:24ean (GMT) 45 metroko asteroide bat Sumatra (Indonesia) gainetik igaroko da, eta gizateriak bidalitako 400 satelitetik 8.000 kilometrora kokatuko da.

2012ko otsailaren 23an atzeman zuten 2012DA14 asteroidea, Mallorcan. Ordutik, hainbat agentzia aritu dira bere ibilbidea ikertzen.

Lurrak etengabe jasotzen du asteroide zaparrada, baina tamaina txikikoak izan ohi dira, eta atmosferan sartu orduko erre egiten dira.

Adituek egindako kalkuluen arabera, lau hamarkadatan behin hurbiltzen da hainbeste asteroide bat Lurrera, eta tamaina horretako arroka batek gure planetarekin talka egiteko arriskua 1.200 urterik behin egon ohi da.

Zure interesekoa izan daiteke

18:00 - 20:00
ZUZENEAN
Duela  min.

Gidari bat ikertzen ari dira istripu batetik ihes egin eta alkoholemia proba egiteari uko egiteagatik

Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.

Gehiago ikusi
Publizitatea
X