Lur planeta asteroide suntsitzaileetatik nola salbatu
Une honetan 20.000 asteroide inguru daude Lurretik gertu, eta horietatik 300 inguru potentzialki arriskutsuak dira. Arreta, baina, 2012 DA14 asteroideak bereganatu du, talka egin barik gure planetatik gertuen pasatuko dena izango baita.
Hori horrela, Nazio Batuen Erakundeak (NBE) nazioarteko koordinazio plan bat proposatu du, lehen aldiz, arriskutsua izan litekeen asteroide bat desbideratzea ahalbideratuko lukeen misio bat prestatzeko.
NBEk estatu kideei igorritako txosten baten arabera, "asteroide batek Lurraren aurka talka egiteko arriskua oso txikia da, baina asteroidearen tamainaren eta non eroriko den arabera, ondorioa hondamendia izan liteke".
Txostenaren egileak, Sergio Camacho mexikarrak, azaldu duenez, 2012 DA14ren tamainako (40 metroko diametroa du) asteroide bat Londresen eroriko balitz, metropoli-barruti osoa suntsituko litzateke.
"Lurrikarekin, urakanekin eta beste hainbat arrisku naturalekin ez bezala, asteroideen aurrean zerbait egin dezakegu, batik bat denbora nahikoaz atzematen baditugu", argudiatu du.
Hori dela eta, nazioarteko sare bat sortzea proposatu du, Lurraren bidean dauden asteroideak ahalik eta lasterren atzeman eta jokabide prozedurak zehazteko.
NBEren txostenaren arabera, sarea sortzeko azpiegitura existitu egiten da dagoeneko, eta "informazioak partekatzeko zentro bat" baino ez da falta.
Halaber, espazio agentziak dituzten estatuei "misio espazialak sortzeko aholkulari talde bat eratzea" gomendatu die.
ON KIXOTE PROIEKTUA
Txostenak ez du proiektu zehatzik aipatzen, baina nazioartean badaude hainbat. Europako Espazio Agentziak (ESA), adibidez, On Kixote Misioa onartu du, Lur planetaren aurka talka egin lezakeen asteroide suntsitzaile bat desbideratzea helburu.
Misioa Espainian sortu dute, eta asteroidearen aurka bi espazio-zunda bidaltzean datza. Lehenengoak (Santxo izenekoa) asteroidearen ezaugarri fisikoak aztertzea izango luke helburu, eta, bigarrenak (Hidalgo izenekoa), aldiz, talka egingo luke horren aurka, desbideratzeko.
HELBURUA: APOFIS
Misio horren helburua Apofis asteroidea da. Une honetan Lurrerako bidean dago, eta 2029. eta 2036. urteetan oso gertu pasatuko da.
Asteroide horrek 2036. urtean Lurraren aurka talka egiteko probabilitatea batekoa da 250.000en artean.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.