Angel Sanchis PPko diruzain ohia inputatu du Ruzek Gürtel auzian
Auzitegi Nazionalean Gürtel auzia zuzentzen duen Pablo Ruz epaileak Angel Sanchis PPko diruzain ohia inputatu gisa deklaratzera deitu du apirilaren 10erako, dirua ustez zuritzea egotzita.
Alianza Popularren diruzaina izan zen 1982 eta 1987 urteen artean, Alvaro Lapuertak eta Luis Barcenasek kargu bera izan baino lehen. Azken bi hauek ere Gürtel auzian inputatuta daude.
Ruzen arabera, behin Barcenasen inguruko ikerketa ezagututa, Suitzako dirua ezkutatzen lagundu omen zuen Sanchisek.
Halaber, gaur eman duen epaian, Luis Barcenasekin eta Francisco Correa Gürtel azpijokoko ustezko buruzagiarekin lotutako kontuak blokeatu ditu epaileak.
Genevako Dresdner Bank banketxeko dirua ezkutatzen laguntzeagatik deitu dute deklaratzera. Barcenasen kontua kitatzeko joan omen zen bertara, Argentinan zuen limoien enpresan inbertitzera zihoala esanez.
Espainiako justiziak eskatutako erreguzko mandatua argitaratu zenean, Luis Barcenasek Suitzan zuen kontua ikustera joan zela jakin zen. Sanchisek esan zuenez, ez ziren inoiz bazkide izan eta Barcenasek ez zuen inoiz bere enpresetan lan egin.
Hala ere, Dresdner Bank banketxearen "barne ohar" batean azaltzen denez, 2009ko otsailaren 20an, Barcenasek "Argentinako limoien enpresan eta higiezinen ondasunetan inbertitzea" erabaki zuela esan zien Sanchisek (guztiak azken horrek enpresak ziren).
Halaber, "kontua kitatzeko aukerak" zeintzuk ziren galdetu zien Angel Sanchisek, "esku-dirutan edo transferentzia bidez jasotzeko".
Mugimendu hauek guztiak Gürtel auziko atxiloketekin batera hasi ziren, auzian Luis Barcenas inputatuta baitzegoen.
Zure interesekoa izan daiteke
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, ibilgailuekin jarraitu dutelako, Eusko Jaurlaritzako Segurtasun Sailak jakinarazi duenez.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.
Monte Perdidon izandako elur-jausiak agerian utzi du Pirinioetan elur-jausiak gertatzeko arriskua handia dela
Azken egunetako elurte gogorrek metro erdiraino utzi dute elurra Aragoiko Pirinioetan, elur-jausien arriskua areagotuz. Astelehenean mendizale batek Monte Perdidon grabatu zuen elur-jausi berri bat, eta Aragoiko Gobernuak arreta handia eskatu die mendialdeetako bizilagun eta bisitariei.
Behin behineko espetxealdia ezarri diote Barakaldon emakume bat hiltzeagatik atxilotutako gizonari
Homizidioa eta eraso sexuala delituak leporatu dizkio epaileak biktimaren lankidea zen 27 urteko gazteari.