Memoria historikoaren legea onartu du Nafarroak
Nafarroako Parlamentuaren osoko bilkurak 1936ko kolpe militarraren ostean hildako lagunen aitortzarako eta ordain moralerako foru lege proposamena onartu du gaur. UPNk eta PPNk ez beste taldeen babesa izan du legeak, eta memoria historikoa araututa duen lehen erkidegoa da honenbestez, Nafarroa.
Izquierda-Ezkerra taldeak proposatutako legea da gaur onartutakoa. Besteak beste, foru gobernuak 2011an onartutako hobiratzeen protokoloa garatu eta hilobiak babesteko konpromisoa agertzen du.
Horrez gain, Nafarroan diren sinbolo eta aipamen frankistak kentzea, diktadura garaian gertatutakoak ikertzea eta zabaltzea eta biktimak oroitzeko egindako monumentuak babestea dakar legeak.
Nafarroako frankismoaren biktimen hainbat talde gonbidatu gisa egon dira gaur foru parlamentuan eta txalo zaparrada batez hartu dute Legearen onarpena.
Taldeen iritzia
Javier Caballero UPNko parlamentariak azpimarratu duenez, frankismoko biktimen aitortza eta onarpena "giza duintasun kontua da, biktima hauekin kale egin duelako gizarteak". Dena dela, "biktimon instrumentalizazioa" deitoratu du Caballerok, eta taldearen abstentzioa testuak "onen eta txarren artean" egiten duen bereizketari zor zaiola azaldu du.
Roberto Jimenez PSNko bozeramailearen aburuz, biktimon aitortza eta duintzea "bizitza politikoaren bete behar morala eta kalitate demokratikoaren ikurra da". Ildo horretan, hauxe gaineratu du: "Gure iragana gogoratzeak eta ezagutzeak elkarbizitzaren oinarriak sendotzen ditu".
Victor Rubioren (Bildu) esanetan, Legea "inoiz baino beharrezkoago dugu" eta berandu datorrela onartu du: "Nafarroako hainbat etxetan oraindik odoletan dagoen zauria da eta". Legeak, haren hitzetan, zauri hori osatu nahi du.
Aralar-NaBAiko Xabi Lasak "bide bazterren errealitate krudela" deitoratu du, fusilamentuen eta biktimekiko "isiltasunaren" sinonimo baita Nafarroan.
Txema Mauleon Izquierda-Ezkerrako kideak barkamena eskatu die biktimei "Legea 35 urte berandu heldu delako". Azaldu duenez, Nafarroan bakarrik "ezberdin pentsatzeagatik 3.400 lagun hil zituzten".
Hain justu alderdi honekin kritiko agertu da Eloy Villanueva (PPN). Popularren ustez, ezkerreko alderdiak "txostenaren eztabaidan egon zen batasun historiko eta oinarrizkoa apurtu du eta bere interesen arabera moldatu du lege proposamena".
Patxi Leuza Geroa Baiko legebiltzarkideak, azkenik, babesa agertu dio legeari, "gure historiaren zati beltz eta krudel batekin amaitzen duelako", argudiatu du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.