Haizeak 11 hegaldi bertan behera utzi ditu Loiuko aireportuan
Eguraldiak ez du oraindik atseden emango EAEn. Igandean olatu denborale bortitza izan zen, asteartean haize-bolada indartsuak, asteazkenean berriz ere olatuak barra-barra, eta gaur Eusko Jaurlaritzak berriz ere ezarri du alerta laranja. Urduñan 130 kilometro orduko bolada jazo da.
Haize-bolada indartsuak direla eta hamar hegazkin desbideratu behar izan dituzte; izan ere, ezin izan dute Bilbon lur hartu. Era berean, denboraleak 11 hegaldi bertan behera utzi ditu Loiuko aireportuan, desbideratu dituzten hegazkinenak eta Santiagoko beste bi.
Munich (Alemania), Valentzia eta Palmatik zetozen hiru hegaldi Iruñeko aireportura desbideratu dituzte, AENAko iturriek jakitera eman dutenez.
Bruselatik zetorren hegazkinak Tolosan (Frantzia) lur hartu du, eta Madriletik eta Palmatik zetozen bi hegaldi Zaragozan lurreratu dira.
Gainera, Madril-Bilbo Iberiako hegaldia eta Bartzelona-Bilbo Vueling konpainiako hegazkinak jatorriko aireportura itzuli eta bertan behera geratu dira, baita Bilbotik atera behar zirenak ere.
Londresetik zetorren Vueling konpainiako beste hegaldi bat Bartzelonara desbideratu behar izan dute, eta baita Madriletik zetorren Iberiako bat ere.
Santiagotik zetorren hegaldia bertan behera geratu da, Galiziako aireportutik aireratzerik izan ez duelako.
Bi zauritu
Bestalde, adineko bi emakume zauritu dira arratsaldean, Leioan eta Bilbon. Haize-bolada bortitzek lurrera bota dituzte, Segurtasun Sailak jakitera eman duenez.
17:00ak aldera 80 urteko emakume bat lurrera bota du haizeak, eta buruan kolpea hartu du Leioako Estartetxe kalean. Gurutzetako ospitalera eraman behar izan dute.
19:40 aldera, adineko beste emakume bat lurrera erori da Bilboko Erribera kalean. Aldakan min hartu du biktimak, eta Basurtuko ospitalera eraman dute.
Arazoak
Bestalde, haizeak itsasadarrean porturatuta zegoen garabi baten sokak hautsi ditu Erandion. Garabia atoian eraman eta beste ontzi batekin lotu dute kalteak eragozteko.
Artazaganen (Leioa), Muskizeko San Julian auzoan eta Sestaoko Karrantza kalean argindarrik gabe geratu dira une batzuetan.
Azkenik, 20:45 aldera Loiuko aireportuko irteeren terminalera sartzeko errepidea itxi dute, taxien aparkalekuan teilatuko metalezko plakak erori direlako.
Alerta naranja haizeteengatik
Bestalde, Jaurlaritzak beste alerta laranja bat ezarri du ostiral honetako 21:00etatik larunbateko 09:00ak arte, haizea dela eta, eta beste bat larunbateko 15:00etatik 24:00etara, olatuak direla eta.
Asteazkenean, olatu denboralea ez zen igandekoa bezain kaltegarria izan, kostaldean alerta laranja zegoen arren, baina Bermeon uholdeak izan ziren arrantzaleen lonjetan.
Herri horretan, igandeko denboralearen ostean premia handiz jarritako bloke gehienek eutsi egin zioten itsasoaren enbatari.
Ezbeharrak denboraleagatik
Telebistako kamerari bat zauritu zuen olatu batek Donostiako Salamanca pasealekuan, DYAk eta lekukoek jakitera eman zutenez. 18:45 aldera, biktima denboralea grabatzen ari zenean, olatu handi batek harri-lubeta gainditu zuen eta Salamanca pasealekuan sartu zen. Olatuak zenbait lagun aurretik eraman zituen.
Kamerariak besoan eta gerrialdean min hartu zuen. DYAko anbulantzia batek artatu eta Donostia Ospitalera eraman zuen.
Donostiak 5 eta 5,5 milioi arteko kalteak zenbatu ditu
Donostiako Udalak asteburuan izandako olatu denboraleak eragindako kalteak zenbatzen jarraitzen du, eta, dagoeneko 5 eta 5,5 milioi euro artekoak dira horiek.
Albiste gehiago gizartea
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.