112k milioi bat dei baino gehiago erantzun zituen Euskadin 2013an
Eusko Jaurlaritzako Segurtasun Sailaren mendeko Larrialdiei aurre egiteko eta Meteorologiako Zuzendaritzari atxikitako 112 telefonoa Euskal Autonomia Erkidegoko larrialdien adierazle bikaina izan da, Segurtasun Sailaren arabera. 2013an, 1.145.000 dei erantzun zituen (1.300.000, 2012an) eta 169.000 gertakariri aurre egin zien (164.000, 2012an), gehienak bide publikoko arriskuen, larrialdi medikoen, pertsonen istripuen, herri-segurtasunaren eta zirkulazioaren gainekoak.
Hala bada, 2013an artatutako gertakarien (169.000) % 22,04 bide publikoko arriskuei lotutakoak ziren, % 20,73 larrialdi medikoen gainekoak, % 15,02 pertsonen istripuen gainekoak, % 14,59 herri-segurtasunen gainekoak eta % 12,62 zirkulazio-istripuen gainekoak.
Segurtasun sailburu Estefania Beltran de Herediak larrialdi-deiak erantzuteko eta kudeatzeko ardura duten SOS Deiaken Koordinazio-zentroek egindako lana goraipatu du. "Duela gutxiko itsasertzeko gertakarietan ikusi ahal izan dugu zein garrantzitsua den SOS Deiak, larrialdi guzti-guztiei aurre egiteko eta konponbidea emateko", adierazi du.
DYAren 40. urtemuga
Ekitaldian, Eusko Jaurlaritzako Sailak Gipuzkoako DYAk egindako lanari behar bezalako errekonozimendua eskaini dio, balioa aitortuta, lehen 40. urtemugara iritsi denez.
Urte horietan guztietan, Gipuzkoako DYAk, zirkulazio-istripuetako biktimei arreta eskaini die modu desinteresatu eta altruistan, Juan Antonio Usparitza sortzailearen xedea betez. Hala, 250.000 osasun-artaldi eta 50.000 gizarte-artaldi gauzatu ditu, 25.000 ekitalditan baino gehiagotan prebentziozko segurtasun-arreta eskainiz.
Era berean, Gipuzkoako DYA Euskadiko hondamendi garrantzitsuenetan izan da (1983ko uholdeak, 1985eko elurteak, Oiz mendiko hegazkin-istripua...) Gainera, 2003az geroztik, nazioartean ere aritu da, Irango, Haitiko eta Peruko lurrikaretan edo Indonesiako tsunamian, esaterako.
112ren Nazioarteko Eguna
112 Larrialdietarako Telefonoaren Nazioarteko Eguna otsailaren 11n ospatu ohi da (11, egunagatik; 2, hilabeteagatik) Europar Batasun osoan. Ospakizunaren xedea da herritarrei gogoraraztea 112 herrialde kide guztietan operatibo dagoela, eta, deitzeko, kabinak, telefono finkoak eta mugikorrak erabili daitezkeela.
Segurtasuneko Gida Operatiboa
Udalek eskatutako gidak 1.500 ale-kopuru ditu eta udaletxe guztietan banatuko dute.
Testuan, larrialdiei, jokoei eta espektakuluei, zirkulazioari, Ertzaintzari eta segurtasun koordinazioari dagokienez Segurtasun Sailak koordinatzen dituen arlo guztiak jasotzen dira.
Beltran de Herediaren hitzetan, gidaren bitartez, sailak udalekin herritarrenganako "konpromisoa eta erantzukizuna partekatzen" du. Halaber, larrialdi bat gertatzean "ez dago lehiei buruzko eztabaidarik: pertsonek dute lehentasuna", gaineratu du.
Albiste gehiago gizartea
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.
Mozkortzearen ondorioak simulatzen dituen alkoholik gabeko lehen garagardoa sortu dute
Erresuma Batuko laborategi batek mozkorturik egotearen efektua lortzen duen alkoholik gabeko lehen garagardoa egin du: Sentia Spirits. Ondoezak ez du luze irauten, edan eta hogei minutu edo ordu erdira desagertzen baita horren eragina, eta ez du biharamunik uzten.
Irailarekin batera, neguko ordutegiak itzuliko dira garraio publikora eta TAO zerbitzura
TAO zerbitzua ohiko ordutegietara itzuliko da udan ezarritako aldaketen ondoren. Itzulera hiriko trafikoaren gorakadarekin eta lan-jardueraren gorakadarekin bat dator.
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da. Ertzaintzak ikerketa abiatu du gertatutakoa argitzeko.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.