Cabacas auziko ikerketan jarritako 'oztopoak' kritikatu ditu EH Bilduk
EH Bilduk Iñigo Cabacasen heriotzaren nondik norakoak argitzeko ikerketan Segurtasun Sailak jartzen dituen "oztopoak" eta Justiziarengan duen "mespretxua" salatu ditu.
Julen Arzuaga koalizio abertzaleko legebiltzarkideak agerraldi bat egin du gaur, asteartea, Cabacasen heriotzaren ikerketaren baitan azaldutako "bi hipotesi berri" iragartzeko. Iñigo Cabacas 2012ko apirilaren 9an hildako 28 urteko gazte bat zen; Ertzaintzaren pilotakada batek hil zuen, autopsiak geroago argitu zuenez, Athletic UEFAko finalaurrekoetan izango zela Bilbon ospatzen ari ziren bitartean.
Arzuagaren esanetan, publikatutako azken informazioaren arabera, Segurtasun Sailak ukatu egin du istiluetan Ertzaintzak dituen protokoloak eta jokaerak zehatzen dituen agiriak epaileari bidaltzea.
Halaber, gaineratu duenez, "segurtasuna dela eta" ukatu egin du epaileari aipatutako informazioa ematea.
Horrez gain, legebiltzarkide abertzaleak esan du koalizioak ere eskatu diola Segurtasun Sailari aipatutako agiria, ezinbestekoa delako jakiteko Cabacas hil zen egunean zuzen jokatu zuten baieztatzeko.
Gainera, Arzuagak bigarren "hipotesi" baten berri eman du; baliteke gau horretan erabilitako istiluen kontrako materiala ez erregistratzea, edo oker egitea, "oinarrizkoa" denean, parte hartu zuten ertzainak identifikatzeko eta erantzukizunak eta zigorrak zehazteko.
EH Bilduren kidearen arabera "oso larria" da salatutakoa, Estefania Beltran de Herediak gidatutako Segurtasun Sailak eta Rodolfo Ares aurreko sailburuak zuzendutakoak "emandako hitza" ez dute bete, Justiziarekin kolaboratzeko prestutasuna agertu baitzuten.
Hori dela eta, EH Bilduk Beltran de Herdia sailburua Legebiltzarrean agertzeko eskatu du, aipatutako informazioa argitzeko.
Injerentzia politikoa egin nahi izatea leporatu dio Segurtasun sailak EH Bilduri
Adierazpen horien aurrean, Eusko Jaurlaritzako Segurtasun sailak prentsa oharra kaleratu du. “Injerentzia politiko onartezinetzat” jo ditu EH Bilduk egindako salaketak. “Nahasmena” sortu nahi izatea ere leporatu dio EH Bilduri eta “hori egitea delitua” dela gogoratu du.
Estefania Beltran de Herediak zuzentzen duen sailaren oharrak dionez, hala eskatutakoan, beharrezkoa izan den informazio guztia igorri diote epaileari. “Epailea izango da argibide gehiago edo proba gehiago behar dituena erabakiko duena” zehaztu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.