Jaurlaritzak ukatu egin du 'Cabacas auzia'n 'isiltasun ituna' dutela
Estefania Beltran de Heredia Eusko Jaurlaritzaren Segurtasun sailburuak eta Rodolfo Ares aurreko kargudunak ukatu egin dute Iñigo Cabacasen inguruan "isiltasun ituna" egin dutela, nahiz eta Ertzaintzaren jokabidean "zerbaitek huts egin" zuela aitortu.
Beltran de Herediak eta Aresek agerraldia egin dute asteazkenean Eusko Legebiltzarreko Segurtasun Batzordean, EH Bilduk eta PPk eskatuta, Ertzaintzaren gomazko pilota batek jota hil zen gaztearen inguruan azalpenak emateko.
Maiatzaren 3an Cabacasen gurasoek hitz egin zuten Batzorde horretan, eta "isiltasun ituna" ote dagoen ikertzeko eskatu zuten.
Gaur, Julen Arzuaga EH Bilduren bozeramaileak azpimarratu du aukera bat dela Ertzaintzak "isiltasun ituna" egin izana. Segurtasun sailburuak gogorarazi dio Cabacas hil eta hilabete batzuetara hartu zuela kargua, baina akusazio hori "larria" dela esan dio, "delitua" baita Justiziaren jarduera oztopatzea.
Segurtasun sailburuak adierazi du Ertzaintzak duela "gertakarien errealitatea" ezagutzeko "interes handiena". Hori dela eta, Justiziak lehenbailehen argitzea espero du.
Beltran de Herediak aitortu egin du Ertzaintzaren jokabidean "hutsegiteren bat" izan zela, baina ikerketa judiziala amaitu arte itxaroteko deia egin du.
Grabaketak
Segurtasun sailburuak Cabacas hil baino lehenago ertzainburu batek ertzain batekin izan zuen elkarrizketa ere izan du hizpide, ertzainburuak "guztiarekin" oldartzeko agindua eman baitzien Bilboko agenteei.
Beltran de Herediak kritikatu du era "partzialean" zabaldu direla grabaketa horiek.
Aresek aitortu du balitekeela "akatsak" edo "huts egiteak" egon izana, baina "inork ez" zuela inori kalte egiteko asmorik eduki azpimarratu du.
Bestalde, Cabacas hil zen egunean Ertzaintzaren operatiboa zuzendu zuen ertzainak ez du Legebiltzarrean agerraldirik egingo.
EH Bilduk ertzain horren agerraldia eskatu zuen, baina Segurtasun Batzordeak eskaera hura bertan behera utzi du. Izan ere, EH Bildu izan da aldeko botoa eman duen alderdi bakarra.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.