Ebolak 1.069 pertsona hil ditu, Munduko Osasun Erakundearen arabera
Dagoeneko ebolak 1.069 pertsona hil dituela adierazi du gaur Munduko Osasun Erakundeak (MOE). Gainera, 1.975 lagun gaixorik egon litezke Sierra Leonan, Liberian, Nigerian eta Ginean.
Horrela, hildakoak 56 gehiago dira eta ustezko kutsatuak 128 gehiago, iragan asteleheneko MOEren balantzearekin alderatuta.
Nigeriako Gobernuak 20 bat pertsona zaintzapean jarri ditu, erizain batek Lagos hirian berrogeialdia ez baitu errespetatu; izan ere, Liberiako paziente kutsatu batekin harreman estua izan zuen.
Bestalde, Sierra Leonan birusaren kontrako borroka zuzentzen zuen mediku bat hil da asteazken honetan, ebolak duela hilabete bat beste mediku bat akabatu eta gero.
Osasun Ministerioak Modupeh Cole doktorearen heriotzaren berri eman du gaur, Freetown hiriburuko komunikabideek jakinarazi dutenez.
100 milioi dolar
Munduko Osasun Erakundeak (MOE) ziurtatu du Etiopian beharrezkoa dela 100 milioi dolar bideratzea mila pertsona baino gehiago hil dituen ebolari aurre egiteko.
“Gaur egunera arte 1.800 kasu baino gehiago erregistratu dira, eta heriotza tasa ehuneko 45 eta 75 artekoa da”, zehaztu du.
Martxoan Ginea-Konakryn agertu zenetik, MOEk 200 bat pertsona mobilizatu ditu kaltetutako lau estatuetan (Ginea-Konakry, Liberia, Sierra Leona eta Nigeria) krisiari aurre egiteko.
Bestalde, MOEko Etika Batzordeak atzo onartu zuen ebolarekin kutsatuta dauden biktimek sendagai esperimentalak hartzea, horren eraginkortasuna baieztatuta ez dagoen arren.
Erizainak Monrovian. Argazkia: EFE
Juliana Bonohak hirugarren test bat egingo du kutsatzea baztertzeko
Juliana Bonoha, jatorriz Gineakoa eta pasaporte espainiarra duen erlijiosoa, hirugarren test bat egingo du ebolaz kutsatuta ez dagoela ziurtatzeko.
Iturriek jakinarazi dutenez, Bonoha “egoera prebentiboan” dago ingresatuta. Izan ere, 21 egun eman behar ditu ikuskatze eremuan, gaixotasunak 21 eguneko inkubazio prozesua izaten baitu.
Pajares artatu zuten sanitarioak ez daude ebolarekin kutsatuta
Bere aldetik, Javier Rodriguez madrileko Osasun kontseilariak jakinarazi duenez, Miguel Pajares, ebolaz jota hildako lehen espainiarra, artatu zuten osasun-langileek hainbat kontrol egin dituzte ebolaz kutsatuta ez daudela ziurtatzeko, eta denek "negatiboa" eman dute.
Hala ere, Rodriguezek gaineratu du gaixoaren tratamenduan parte hartu zuten langile guztiek 21 eguneko kontrolak pasa beharko dituztela. Izan ere, gaixotasunak 21 eguneko inkubazio prozesua izaten du.
Halaber, Madrilgo Osasun Kontseilaritzak bi erlijiosoak egon diren Carlos III ospitaleko instalazio guztiak desinfektatuko ditu lixibarekin eta hipoklorito sodikoarekin. Horrekin batera, horiekin erabilitako material guztia erreko dute.
Hirugarren pertsona bat zendu da Nigerian ebolaz jota
Afrika Mendebaldeko Estatuen Ekonomia Erkidegoan (ECOWAS) lan egiten zuen nigeriar bat hil da ebolaz jota. Hala, gaixotasun honek hiru pertsona hil ditu Nigerian.
Jatto Asihu Abdulqudir, 36 urtekoa, koarentenan jarri zuten Patrick Sawyerrekin kontaktuan egon ostean. Sawyer Nigerian ebolaz jota hil zen lehenengo pertsona izan zen.
Sawyer AEBetako nazionalitatea zuen funtzionarioa Liberiatik Nigeriara joan zen uztaila bukaeran ECOWASen konferentzia batean parte hartzeko. Bertan ere Asihu Abdulqudir egon zen.
Sawyer Lagoseko ospitalean sartu zutenean artatu zuen erizainetako bat ere ebolaz jota zendu zen.
Jonathan Goodluck Nigeriako presidenteak "larrialdi egoera" ezarri zuen estatuan, birusaren kontra borrokatzeko. Izan ere, dagoeneko 13 pertsona kutsatuta daude bertan, Munduko Osasun Erakundearen arabera.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.