LOMCEren akordioa gorabehera, Jaurlaritzak ez du helegitea kenduko
Cristina Uriarte Hezkuntza, Hizkuntza Politika eta Kultura sailburuaren ustez, LOMCEren kontura Espainiako Gobernuak eta Eusko Jaurlaritzak lortutako "alde bateko akordioa oso garrantzitsua" da. Dena dela, ez dute Auzitegi Konstituzionalean aurkeztutako helegitea erretiratuko.
Bi aldeek adostutakoaren arabera, LOMCE hezkuntzaren erreforma ez dute euskararen eta Eskola Kontseiluen arloetan ezarriko Euskadin. Akordioa gaur publikatu dute Estatuko eta EAEko aldizkari ofizialetan.
Donostian egindako adierazpenetan, akordioa "lorpena" dela esan du Uriartek, eta "oso garrantzitsua" dela azpimarratu. Nolanahi ere, LOMCEren aurka hasitako bideari eutsiko diola nabarmendu du Hezkuntza sailburuak, eta, hala, Auzitegi Konstituzionalean aurkeztutako errekurtsoa ez dutela erretiratuko iragarri du.
"Gure hezkuntza sistema defendatuko dugula esan dugu beti, eta horretarako eskura ditugun tresna guztiak erabiliko ditugula. Akordioaren bila gabiltza beti, eta, horren harian, oso garrantzitsua da gaur emandako pausoa", esan du Uriartek. "Alde bateko akordioa da, baina ezer ez edukitzea baino gehiago da", erantsi du sailburuak.
Agerraldian azaldu duenez, hitzarmenari esker, Euskadin ez dira LOMCEren 38. eta 39. xedapenak aplikatuko. Horrez gain, "Eskola Kontseiluaren eta zentroetako zuzendaritzaren arteko harremanak hemen arautuko ditugu", argitu du Uriartek
Sailburuaren ustez, LOMCE legea "zentralizatzailea da oso, guri dagozkigun eskumenak arautzen ditu, baina lortutako akordioa garrantzitsua da, kezka handia zegoelako hizkuntza ofizialen tratamenduan eta Eskola Kontseiluen auzian, orain arte izan duten pisua ezerezean uzten zuelako".
Euskararen inguruko akordioa
LOMCEren arabera, gaztelaniak eta hizkuntza koofizialek (euskara, kasu) "zentzuzko proportzioa" izan behar dute hezkuntza sisteman. Gainera, erreformak esku hartzeko gaitasuna ematen dio Estatuari, puntu hori ez dela bermatzen uste badu.
Orain, baina, Estatuak ezingo du EAEko hezkuntzan eskurik hartu, aitortu egin baitu EAEn bi hizkuntzak bermatuta daudela.
Eskola Kontseiluak
Eskola Kontseiluei dagokienez, LOMCEk erabakitzeko ahalmena ukatzen zien, eta proposamen-organo bihurtzen zituen, baina Espainiako Gobernuak eta Jaurlaritzak lortutako akordioak aitortu egin du hezkuntza administrazioei dagokiela Eskola Kontseiluaren eta zentroetako zuzendaritzaren arteko harremanak arautzea.
EH Bildu: 'Itxurakeria da'
Iragarritako akordio horren inguruan "itxurakerian aritzea" egotzi dio EH Bilduk Jaurlaritzari, Euskal Autonomia Erkidegoan"LOMCEa indarrean" dagoela argudiatuz.
Espainiako Gobernuarekin adostutakoa egungo hizkuntza ereduak mantentzea besterik ez duela ekarriko gaineratu du koalizioak.
Zure interesekoa izan daiteke
Bizkaiko bizilagun bat hil da eta zazpi senide zauritu, Biescasen izandako istripu batean
Istripua 14:15ak aldera gertatu da, N-260a errepidean. Familiako batzuk zihoazen auto batek aurrez aurre jo du kontrako noranzkoan zihoan beste batekin, eta atzetik zihoazen beste familiako kide batzuen autoak lehenengoaren aurka talka egin du.
Horrela grabatu dute segurtasun kamerek Arabako lurrikara
Arabako errepideetako segurtasun kamerek grabatu dute bart gaueko lurrikararen unea. Lurrikara laburra izan den arren, bibrazioa ikus daiteke horietako batzuetan.
Gizon bat atxilotu dute Gernikan, bikotekide ohia jipoitu, aizkora batekin mehatxatu eta ordu luzez atxikitzeagatik
50 urteko gizonak urruntze agindua zuen indarrean, pertsona beraren aurkako tratu txarren beste kasu batengatik. Erasotzailea espetxeratzeko agindua eman du udalerriko Guardiako Epaitegiak.
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.