LOMCE euskara arloan ez ezartzea adostu dute Jaurlaritzak eta Moncloak
LOMCE hezkuntzaren erreforma ez dute euskararen eta Eskola Kontseiluen arloetan ezarriko Euskadin. Eusko Jaurlaritzak eta Espainiako Gobernuak akordioa lortu dute, eta gaur publikatu dute Estatuko eta EAEko aldizkari ofizialetan.
Dena dela, akordioa "partziala" dela zehaztu du Jaurlaritzak, hau da, ez du kenduko erreformaren aurka Auzitegi Konstituzionalean aurkeztutako helegitea.
Horren ildotik, Gasteizko Gobernuak erreformaren aurka dagoela azaldu du, baina "oso garrantzitsua" da, horren ustez, "Espainiako Gobernuak Euskadik euskara irakasteko eta Eskola Kontseiluen eta hezkuntza zentroetako zuzendaritzen arteko harremana zehazteko gaitasuna duela onartu izana". Sei hilabete eman dituzte bi gobernuek negoziatzen.
LOMCEren arabera, gaztelaniak eta hizkuntza koofizialek (euskara, kasu) "zentzuzko proportzioa" izan behar dute hezkuntza sisteman. Gainera, erreformak esku hartzeko gaitasuna ematen dio Estatuari, puntu hori ez dela bermatzen ulertzen badu.
Orain, baina, Estatuak ezingo du EAEko hezkuntzan esku hartu, EAEn bi hizkuntzak bermatuta daudela aitortu baitu.
Eskola Kontseiluei dagokienez, LOMCEk erabakitzeko ahalmena ukatzen zien, eta proposamen-organo bihurtzen zituen, baina Espainiako Gobernuak eta Jaurlaritzak lortutako akordioak aitortu egin du hezkuntza administrazioei dagokiela Eskola Kontseiluaren eta zentroetako zuzendaritzaren arteko harremanak arautzea.
Cristina Uriarte Hezkuntza sailburuak agerraldia egingo du 10:00etan, akordioaren nondik norakoak azaltzeko.
"Koherentziaz" jokatzeko eta LOMCEren aurka jarritako helegitea kentzeko eskatu dio Alfonso Alonso Kongresuko PPko bozeramaileak Eusko Jaurlaritzari.
Radio Euskadiri eskainitako elkarrizketan, sinatutakoa hitzarmen "instituzionala" dela azpimarratu du Alonsok, eta bi gobernuen artean askok uste dutena baino harreman estuagoa dagoela esan du.
Akordioaren osteko erreakzioak
Alfonso Alonso PPk Kongresuan duen bozeramalearen iritzian, "koherentziak aginduta", Jaurlaritzak Auzitegi Konstituzionalean LOMCEren kontra aurkeztutako helegitea kendu beharko luke.
Cristina Uriarte Hezkuntza, Hizkuntza Politika eta Kultura sailburuaren ustez, LOMCEren kontura Espainiako Gobernuak eta Eusko Jaurlaritzak lortutako "alde bateko akordioa oso garrantzitsua" da. Dena dela, ez dute Auzitegi Konstituzionalean aurkeztutako helegitea erretiratuko.
Bestalde, iragarritako akordio horren inguruan "itxurakerian aritzea" egotzi dio EH Bilduk Jaurlaritzari, Euskal Autonomia Erkidegoan"LOMCEa indarrean" dagoela argudiatuz.
Halaber, Xabier Irastorza ELA-Hezkuntzako arduradunak ukatu egin du akordioak "garaipena" ekartzea eta, baieztatu duenez, "muga" ezartzen du, euskarari dagokionez, eta egungo hezkuntza eredua "berretsi" du.
Zure interesekoa izan daiteke
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia, blusa eta nesken kalejira berriarekin, teknikarien grebak baldintzatuta
Goizean, blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatu dute, eta arratsaldean kalejira egin dute, ibilbide berria estreinatuta. Ikuskizunetako teknikarien grebak La pasión infinita lanaren funtzioa bertan behera uztera behartu du.