LOMCE 'oharkabean' pasatuko dela adierazi du Jaurlaritzak
Haur Hezkuntzako, Lehen eta Bigarren Hezkuntzako, Batxilergoko eta Lanbide Heziketako ikasleek gaur abiatu dute EAEn 2014/2015 ikasturtea. Aurten, LOMCE hezkuntza erreformak baldintzatuta dator ikasturtearen hasiera. Orotara, 368.516 ikasle daude deituta ikasgeletara.
Oraingoz, hezkuntza erreformak ez du aldaketa handirik ekarriko EAEn, eta ikasturte honetan "oharkabean" pasatuko dela esan du Eusko Jaurlaritzak. Dena dela, irakasleek eta guraso elkarteek zalantzak eta haserrea agertu dute.
Aurten, LOMCEren aldaketak Lehen Hezkuntzako lehen, hirugarren eta bosgarren mailatan bakarrik nabarituko dituzte.
Hezkuntza erreformak testuliburuak aldatzera behartzen zuen, baina, EAEn, ez dituzte aldatuko oraindik.
Ikasleek aurten sumatuko dituzten aldaketen artean, hauek daude: Ingurumenaren Ezagutza bitan zatituko dute, eta ikasteko arazoak dituzten ikasleak atzemateko proba bat abiatuko dute.
Gainera, Erlijioaren alternatiba izango den ikasgai berriak (Kultur eta Gizartea Balioak) eragina izango du batez besteko notan.
Euskararen arloan, hori bai, ez da aldaketarik izango.
Haurrak ikasturtearen hasieran, Mungiako Legarda ikastetxean. EFE
D ereduak gora
Jaurlaritzak zehaztu duenez, oreka dago sare publikoaren eta pribatuaren artean. Izan ere, ikasleen % 50,3k zentro publikoetan ikasiko dute, eta % 49,7k, pribatuetan.
Hizkuntza ereduei dagokienez, D eredua gora eta gora ari da, ikasleen % 68,8k ikasten baitute euskara hutsean, hau da, iaz baino puntu eta erdi gehiago.
B eredua ikasleen % 21,2k hautatu dute (8 hamarren gutxiago), eta A eredua % 10ek (7 hamarren gutxiago).
Sindikatuen protesta
Testuinguru honetan, ELA, LAB eta EILAS sindikatuek; Udako Euskal Unibertsitateak; Hik Hasi irakaskuntza sektoreko elkarteak eta Ikasle Abertzaleak ikasle sindikatuak LOMCE Euskadin eta Nafarroan ez ezartzea eskatu dute. Horren ildotik, "hezkuntza sistema propioa" eraikitzeko "pauso irmoak" eskatu dituzte.
Erakundeek Eusko Jaurlaritzaren aurka egin dute, eta hezkuntza erreforma ikastetxeetan ez sartzeko neurririk hartu ez izana deitoratu dute. "Are gehiago, LOMCEren zati batzuk moldatu ditu, eta ikastetxeei horiek abiatzea eskatu die", ohartarazi dute.
Halaber, Nafarroako Gobernua erreforma ezartzeko orduan "aitzindaria" dela salatu dute.
Zure interesekoa izan daiteke
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).