Barcina: 'Euskararen Legearen erreformari kutsu politikoa dario'
Haserre mintzatu da gaur Yolanda Barcina Nafarroako presidentea Euskararen Legea erreformatzeko legez besteko proposamena aurkeztu eta biharamunean. Izquierda-Ezkerrak, PSNk eta Geroa Baik atzokoan erregistratutako proposamenari esker, eremu ez euskalduneko ikasleek euskaraz ikasi ahalko dute. Erreformari kutsu politikoa dariola uste du Barcinak: "Euskal abertzaleen helburu politikoak daude erreformaren atzean”, salatu du.
"Nafarroaren errealitate instituzionala aldatzeko helburu politikoa dago erreforma honen atzean, euskal abertzaleen helburu politikoak alegia", esan du.
Barcinaren hitzetan, alderdi abertzaleek "euskara hitz egiten ez den lekuetara eramateko" eginahalak egin dituzte, eta Euskararen Legea aldatzeak "eskari artifizialak" sortuko dituela kritikatu du.
Erreformak eragingo lituzkeen "kostu handiak" nabarmendu ditu Nafarroako presidenteak, eta Legeak 28 urtez "ondo funtzionatu" duela defendatu du.
PSNren kontra aritu da gogorren Barcina. Horren hitzetan, "harrigarria" da sozialistek "abertzaleekin bat egin izana, eta, horri esker, Bildu bere helburua bete dela ospatzen ibiltzea". "Euskararen Legea aldatzea ez zegoen PSNren hauteskunde programan", salatu du UPNko buruak.
Barcinaren ustez, Euskararen Legea "Estatu legea da, eta erkidego eredu hau defendatzen dugunon adostasun zabala behar du". Hori dela eta, bere jarrera berraztertzeko deia egin dio Maria Chivite PSNko zerrendaburuari: "Esan dezala zein den bere jarrera Lege honen inguruan", gaineratu du Barcinak.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".