Aita santua: 'Adinekoak zaharren egoitzetan uztea bekatu larria da'
Frantzisko aita santuak gaurko audientzia orokorrean ohartarazi duenez, adinekoak zaharren egoitzetan "abandonatzea" eta hainbat hilabetez horiei bisitarik ez egitea "bekatu larria da".
"Gogoan dut zaharren egoitza bat bisitatu nuen egun bat. Bertako egoiliarrekin hitz egiteko aukera izan nuen eta hainbat galdera egin nizkien. Nola zaude? eta Zure seme-alabak nola daude? Ongi, ongi. Zenbat seme-alaba dituzu? Asko. Eta etortzen al dira zu bisitatzera? Eta noiz izan zenuen azken bisita? Gabonetan. Abuztua zen! Zortzi hilabete bisitarik gabe, zortzi hilabete abandonatuta. Hori bekatua larria da, ulertu duzue?", azaldu du.
Halaber, Frantzisko aita santuak azpimarratu du adinekoak "baztertzen" dituzten gizarteek ere bekatua egiten dutela eta bere baitan dutela "heriotzaren birusa". Hala mintzatu da aita santua asteazkeneko audientzia orokorrean.
Aita santuak gaurko hitzaldian, "efizientziaren inguruan programatuta" dagoen gizarte honetan adinekoek duten "problematika"ri buruz hitz egin du.
"Adinekoen kopurua biderkatu egin da, baina gure gizarteak ez dira antolatu horiei errespetuzko tokia egiteko", deitoratu du.
Horren esanetan, gaur egungo gizartean zahartzaroaren aurrean entzungor egitera bultzatzen dituzte gazteak, "gaixotasun bat bailitzan". Halaber, gazteek adinekoak "zama" moduan ikusten dituzte. "Adinekoak herriaren jakituriaren erreserba dira", gaineratu du.
Bestalde, elkartasunik gabeko gizarte "maltzur" baten aurrean gaudela adierazi du. Horren esanetan, adinekoekiko arretan nabarmentzen da zibilizazioen arteko diferentzia. "Adinekoentzat ohorerik ez dagoen tokian, ez dago etorkizunik gazteentzat", gogoratu du.
Zure interesekoa izan daiteke
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".
Arratiako Koruak 75 urte bete ditu santa eskean
1951n sortu zen, Artea eta Areatzan zeuden abesbatza bana batu zirenean, eta ordutik ez du inoiz hutsik egin otsailaren 4an. Bizkaiko hainbat herritan abestu ondoren, hiriburuan aritzen dira kantuan, azken urteetan bezala, Caritas elkartearentzat dirua biltzen.
Mouliaak Errejonen aurkako salaketa erretiratu du "osasun arrazoiengatik", baina ez du akusazioetan atzera egin
Herri-akusazioak bere horretan jarraitzen du "biktimaren eskubideak" babesteko. Bestalde, diputatu ohiak aktorearen kontrako kereilarekin jarraituko du.
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Ama-alaben arteko harremanak hautsita zeuden aspalditik, eta emakumea bere lanbideaz baliatzen zen konfidentzialak diren datuak ikusteko, delitu dena. Altsasuko osasun zentroan administrari laguntzaile zela 1.300 aldiz baino gehiagotan sartu zen senitartekoen datu klinikoak ikustera.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.