Indarkeria matxista gaitzesteko elkarretaratzea, Gasteizen
Gasteizko Udalak eta Emakundek ostegunean izandako hilketa matxista gaitzesteko elkarretaratzea deitu dute gaurko, 12:00etan, Arabako hiriburuko Plaza Berrian. Gasteizeko Udalbatza osatzen duten alderdi guztiek, Emakundeko ordezkariek, Eusko Jaurlaritzako Osasun eta Segurtasun sailburuek eta Juan Calparsoro Euskadiko fiskal nagusiak egin dute bat bost minutuko bilkura isilean.
Hilketa gogor salatu eta hildakoaren familiari babes osoa eskaini nahi izan dio Izaskun Landaida Emakundeko zuzendariak. Bilkura hilketa izan eta astebetera deitu izanak kritika ugari ekarri du. Horren aurrean, Landaidak esan du hilketa izan eta berehala erakundeek gaitzespen oharrak kaleratu zituztela eta bat egin zutela Gasteizko Plataforma Feministak deitutako manifestazioarekin. Landaidak argitu du protokoloak ez duela inon esaten, hilketaren biharamunean egin behar denik bilkura.
Landaidak gaineratu duenez, elkarretaratzea noiz deitzen den ez da garrantzitsua, indarkeria matxistaren kontrako neurriak areagotzea baizik. Gizon eta emakumeen arteko berdintasunik ezaren "agerpen gordinena" hilketa matxista, eta horren aurrean, gizartea osoari indarkeria mota horren kontrako jarrera aktiboa erakusteko eskatu dio.
34 urteko gizon batek bikotekidea (29 urte) hil zuen, labankadaz, eta hilketaren egilea dela aitortu zion Ertzaintzari. Larunbatean, kartzelatzea agindu zuen epaileak. Biktimak hiru seme-alaba zituen, 2 eta 10 urte artekoak. Larunbatean bertan, Mugimendu Feministak elkarretaratzea egin zuen, krimena gaitzesteko.
Iaz, hiru emakume hil zituzten bikotekideek edo bikotekide ohiek EAEn.
_______________________________________
Tratu txarren biktima bazara edo kasuren bat ezagutzen baduzu, kontuan hartu gida honetako aholkuak edota deitu 016 telefono zenbakira (doakoa da eta ez du arrastorik uzten fakturan).
Zure interesekoa izan daiteke
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.