Cabacasen heriotzaren ardura guztiak argitzeko eskaera egin du sendiak
Ehunka lagunek omenaldia egin diote larunbat honetan, Bilbon, Iñigo Cabacasi, Ertzaintzaren pilotakada batek jota duela hiru urte hil zen Athletic Clubeko zale gazteari. Manuel Cabacasek, Iñigo Cabacasen aitak, heriotzaren ardura guztiak argitzeko eskatu du, "gomazko pilota jaurti zuen ertzainaren erantzukizunaz haratago".
Iñigok heriotza eragin zion pilotakada jaso zuen Maria Diaz de Haro kalean omenaldi xumea egin diote haren senide eta lagunek, eta 1.095 puxika askatu dituzte, puxika bat heriotza argitu gabe igaro den egun bakoitzeko. Izan ere, 2012ko apirilaren 5eko gauean jo zuen Ertzaintzaren gomazko pilotak eta hilaren 9an hil zen.
Manuel Cabacasek eskerrak eman dizkie omenaldira bertaratu direnei, eta Athleticeko zale gaztearen heriotzaren inguruko "egoera bidegabea" salatu du.
"Hiru urte igaro dira, 1.095 egun Iñigo gabe; atsedenik eta lorik gabeko eta amesgaiztoz beteriko egunak izan dira, parranda egin ostean etxera noiz itzuliko zen zain, gertatu behar zuen eta gertatu ez zen moduan", azaldu du.
Halaber, azpimarratu du senideek beren galderei erantzuna bilatzen jarraitzen dutela eta ohartarazi du "hitz polit asko" entzun dituztela, baina "ekintza eta egi gutxi".
"Oraindik ere buruan gordeta dauzkat Ares jaunaren hitzak", adierazi du Eusko Jaurlaritzako Barne sailburuari erreferentzia eginez. Ildo horretan, Aresi esan dio gertaeraren erantzukizuna bere gain hartu zuela hasiera batean. "Non geratu da erantzukizun hori? Zer erabaki hartu zituen? Dimisioa aurkeztu al zuen? Edota arduradunen bat kargutik kendu al zuen? Ez dugu ezta ere ahazten Segurtasun Sailak Ertzaintzaren jarduera protokoloak ezkutatu zizkiola kasuko epaileari", salatu du.
Baita ere azpimarratu sendiak ez duela onartuko "adarjotzerik" eta, horregatik, egia ezagutzea eskatu du. Gainera, Gervasio Gabirondo Ertzaintzako zuzendaria eskatu dio eman dezala Ertzaintzaren kargaren arrazoiak argitzeko beharrezko informazioa.
Bestalde, "Iñigo gogoan" plataformako kideek justizia aldarrikatu dute. Aldi berean, gertaturikoa argitzeko presioa egiteko eskatu diote Eusko Jaurlaritzari eta Bilboko Udalari.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.